நெஞ்சை உலுக்கும் கொடூரம்…. தந்தையுடன் சென்ற 3 வயது குழந்தைக்கு நேர்ந்த விபரீதம்… உறைந்து போன சென்னை… நொடியில் நடந்த அந்த 1 நிமிட துயரம்….!

சென்னை புழல் அருகே காவாங்கரையில் நடைபெற்ற பாதாள சாக்கடை பணியின் போது, ஊழியர்களின் மரண அலட்சியத்தால் 3 வயது குழந்தை பரிதாபமாக உயிரிழந்த சம்பவம் அப்பகுதியில் பெரும் சோகத்தையும் கொந்தளிப்பையும் ஏற்படுத்தியுள்ளது. தனது தந்தையுடன் சாலையில் சென்று கொண்டிருந்த அந்த பிஞ்சு குழந்தை மீது, ஜேசிபி எந்திரத்தில் ஆபத்தான முறையில் கொண்டு வரப்பட்ட கனமான இரும்பு ராடு திடீரென சரிந்து விழுந்தது. இதில் படுகாயமடைந்த சிறுவனை மீட்டு உடனடியாக மருத்துவமனைக்கு அழைத்துச் சென்றும், சிகிச்சை பலனின்றி அந்த குழந்தை உயிரிழந்தது. இந்த நெஞ்சை உலுக்கும் விபத்தின் சிசிடிவி காட்சிகள் இணையத்தில் வெளியாகி, பார்ப்போரை பதைபதைக்க வைப்பதோடு பொதுமக்களிடையே கடும் அதிர்ச்சியை ஏற்படுத்தியுள்ளது.

https://www.instagram.com/reel/Darkmd5pEtT

இந்த துயர சம்பவத்திற்கு காரணமான பாதாள சாக்கடை பணியினை மேற்கொண்ட ஒப்பந்த மேலாளர் முத்துக்குமார், மேற்பார்வையாளர் வெங்கடேசன் மற்றும் ஜேசிபி ஓட்டுநர் ரமேஷ் ஆகிய மூன்று பேரையும் காவல்துறையினர் அதிரடியாக கைது செய்துள்ளனர். இதற்கிடையில், விபத்து நடந்தவுடன் படுகாயமடைந்த சிறுவனை முதலுதவிக்காக அருகில் இருந்த தனியார் மருத்துவமனைக்கு அழைத்துச் சென்றபோது, அங்கிருந்த மருத்துவர்கள் முறையான சிகிச்சை அளிக்காமல் அலட்சியம் காட்டியதாக குழந்தையின் உறவினர்கள் குற்றம் சாட்டியுள்ளனர். பொது இடங்களில் முறையான பாதுகாப்பு வழிமுறைகளைப் பின்பற்றாமல் அலட்சியமாக செயல்படும் ஒப்பந்ததாரர்கள் மற்றும் ஊழியர்கள் மீது கடுமையான நடவடிக்கை எடுக்கப்பட வேண்டும் என்று பொதுமக்கள் கோரிக்கை விடுத்துள்ளனர்.