டெல்லி ஜாபராபாத்தில் உள்ள ஒரு ப்ளே ஸ்கூலில் மூன்று வயது சிறுவன் கொடூரமாகத் தாக்கப்பட்டுள்ளான். பல மணி நேரம் நாற்காலியில் கட்டிவைக்கப்பட்டு, அவனது காதுகள் பலமாக இழுக்கப்பட்டதில் சிறுவனுக்கு கடுமையான காயங்களும் வீக்கமும் ஏற்பட்டுள்ளது.
இந்தத் துன்புறுத்தல் சம்பவங்கள் அனைத்தும் பள்ளியில் உள்ள சிசிடிவி கேமராவில் பதிவாகியுள்ளன. இதன் அடிப்படையில் காவல்துறையினர் உடனடியாக நடவடிக்கை எடுத்து, போக்சோ சட்டம் உள்ளிட்ட பல்வேறு கடுமையான பிரிவுகளின் கீழ் வழக்குப்பதிவு செய்துள்ளனர்.
https://twitter.com/HateDetectors/status/2094338149363392990/video/1
இந்தச் சம்பவத்தோடு தொடர்புடைய பள்ளியின் பெண் பணியாளர் ஒருவர் தற்போது காவலில் வைக்கப்பட்டுள்ளார். மேலும், ஒரு ஆசிரியர் உட்பட இந்த விவகாரத்தில் தொடர்புடைய மற்ற நபர்களின் பங்கு குறித்தும் காவல்துறையினர் தீவிரமாக விசாரணை நடத்தி வருகின்றனர்.