2026 சட்டமன்றத் தேர்தலை முன்னிட்டு அனைத்து கட்சியினரும் தேர்தல் பிரச்சாரம் மற்றும் கூட்டணி பேச்சு வார்த்தை என மும்முரமாக களத்தில் இறங்கி பணியாற்றி வருகின்றன. ஒரு பக்கம் முதல்வர் ஸ்டாலின் தனது கூட்டணியை பலமாக வைத்துக்கொண்டு திமுக ஆட்சியை மீண்டும் நிலைநாட்டி விடலாம் என்ற எண்ணத்தில் செயல்பட்டு வர மறுபக்கம் இபிஎஸ் பாஜகவுடன் கூட்டணி வைத்துக்கொண்டு அதிமுக ஆட்சியை நிலைநாட்ட பல திட்டங்களை தீட்டி வருகிறார்.
இதற்கிடையில் அதிமுகவில் இருந்து விலகி திமுகவில் இணைந்த ஓபிஎஸ்ஸின் ஆதரவாளர் மனோஜ் பாண்டியன் தனது எம்எல்ஏ பதவியை நேற்று ராஜினாமா செய்தார். ஏற்கனவே வால்பாறை தொகுதி அதிமுக எம்எல்ஏ அமுல் கந்தசாமி, சேந்தமங்கலம் தொகுதி திமுக எம்எல்ஏ பொன்னுசாமி மறைவால் தற்போது சட்டப்பேரவையில் மூன்று இடங்களில் காலியாகவுள்ளன. வரும் 2026 ஏப்ரலில் சட்டப்பேரவை தேர்தல் நடைபெறவுள்ளதால், இந்த 3 தொகுதிகளுக்கு இடைத்தேர்தல் நடைபெறாது.