தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் ரஜினிகாந்த். இவரை இவரது ரசிகர்கள் ‘சூப்பர் ஸ்டார்’ என்றும், ‘தலைவர் ‘ என்றும் கொண்டாடி வருகின்றனர். தான் நடிக்க தொடங்கிய காலம் முதல் இன்று வரை ரசிகர்கள் மனதில் சூப்பர் ஸ்டார் ஆகவே ரஜினி வலம் வந்து கொண்டுள்ளார்.
இன்று அவர் தனது 73-வது பிறந்த நாளையும் கொண்டாடுகிறார். இறுதியாக இவர் நடிப்பில் வெளிவந்த ‘ஜெயிலர்’ திரைப்படம் எதிர்பாராத வெற்றியையும், வசூலில் சாதனையையும் படைத்தது. இதன் மூலம் தற்போதும் இந்த வயதிலும் அவர் தான் சூப்பர் ஸ்டார் என்பதை நிரூபித்துள்ளார். இவர் தமிழ் மட்டுமின்றி ஹிந்தி, தெலுங்கு, கன்னடம் என பல மொழிகளிலும் நடித்து அசத்தியவர்.
இப்படி நடிப்பு புயல், சூப்பர் ஸ்டார் ரஜினிகாந்தின் நடிப்பில் வெளிவந்த 3 திரைப்படங்கள் ரிலீஸ் ஆகவில்லை என்றால் நீங்கள் அதை நம்புவீர்களா? ஆம். இயக்குனர் பாலச்சந்தர் இயக்கத்தில் ரஜினி நடித்த திரைப்படம் தான் ‘தில்லுமுல்லு’. இந்த திரைப்படத்தை தெலுங்கில் ரஜினி நடிக்க ‘மீசம் கோஷம்’ என்ற பெயரில் தயாரித்திருந்தனர். ஆனால் இத்திரைப்படம் வெளியாகவில்லை.
இதைத்தொடர்ந்து ரஜினி நடித்து உருவான ‘நாட்டுக்கு ஒரு நல்லவன்’ திரைப்படம், ஹிந்தியில் ‘ஷாந்தி கிராந்தி’ என்ற பெயரில் எடுக்கப்பட்டது. இத்திரைப்படமும் ரிலீஸ் ஆகவில்லை. அதேபோல ரஜினி குணச்சித்திர கதாபாத்திரத்தில் நடித்த ‘ஒரு மனைவி உருவாகிறாள்’ என்ற திரைப்படமும் ரிலீஸ் ஆகவில்லை என்பது குறிப்பிடத்தக்கது.
