அமெரிக்காவின் கலிபோர்னியா மாநிலத்தில் இருந்து வெளிவந்துள்ள ஒரு அதிர்ச்சியூட்டும் சம்பவத்தில், கடந்த வாரம் சுமார் 25 பேர் கொண்ட திருடர்கள் ஒரு நகைக் கடைக்குள் நுழைந்து சில நொடிகளில் 9 கோடிக்கும் அதிகமான மதிப்புள்ள பொருட்களைத் திருடிச் சென்றுள்ளனர். கலிபோர்னியாவின் சான் ராமோனில் உள்ள ஒரு நகைக் கடையில் இச்சம்பவம் நிகழ்ந்துள்ளது. இதுவரை கிட்டத்தட்ட 7 பேர் கைது செய்யப்பட்டுள்ளதாக தகவல்கள் தெரிவிக்கின்றன. சந்தேக நபர்களிடமிருந்து சில நகைகளும் மீட்கப்பட்டுள்ளதாக காவல் துறை தெரிவித்துள்ளது.
25 thieves loot jewellery worth millions in US
This wud have become viral if it was from Indiapic.twitter.com/EffTkfNEGW
— Frontalforce 🇮🇳 (@FrontalForce) September 25, 2025
குழு உறுப்பினர்கள் குறைந்தது மூன்று துப்பாக்கிகளுடன் ஆயுதம் ஏந்தியதாக போலீசார் தெரிவித்தனர். திருடர்கள் குழு கடைக்குள் நுழைந்த முழு சம்பவமும் கடையின் சிசிடிவி காட்சிகளில் பதிவாகியுள்ளது. முகமூடி அணிந்த கும்பல் கடைக்குள் நுழைந்து, தானியங்கி மூடும் கதவுகளால் உள்ளே பூட்டப்படுவதற்கு முன்பு, கடையின் கதவுகளை உடைப்பதை வீடியோ காட்டுகிறது. கண்ணாடி கதவை உடைத்து தப்பிக்க குறைந்தது ஒரு சந்தேக நபர் பல முறை துப்பாக்கிச் சூடு நடத்தியதாகவும் கூறப்படுகிறது. மற்ற சிசிடிவி காட்சிகளில், திருடர்கள் 6 வாகனங்களில் வந்து, கடை நுழைவாயிலில் இருந்து சுமார் 100 அடி தொலைவில் உள்ள வேலட் பகுதியில் நிறுத்தி வைக்கப்பட்டிருப்பதை பார்க்க முடிகிறது.