2024 இல் விவாகரத்து பெற்று பிரிந்த பிரபலமான ஜோடிகள்.. இதோ லிஸ்ட்..!

சினிமாவை பொருத்தவரையில் உடன் நடிக்கும் நடிகர் நடிகைகளை காதலித்து திருமணம் செய்து கொள்வதும் அதன்பிறகு விவாகரத்து செய்வதும் சகஜம் தான். ஒரு சில திரை பிரபலங்கள் மட்டுமே காதலித்து திருமணம் செய்து கொண்டு காலம் கடந்தும் வாழ்ந்து கொண்டிருக்கின்றன. ஆனால் சில சினிமா பிரபலங்கள் ரசிகர்களுக்கு அதிர்ச்சி கொடுக்கும் விதமாக திடீரென விவாகரத்தை அறிவித்து விடுகிறார்கள். அதன்படி இந்த ஆண்டு விவாகரத்தை அறிவித்த சினிமா பிரபலங்கள் மற்றும் மக்களுக்கு பரிச்சயமான பிரபலங்கள் குறித்தும் இந்த பதிவில் பார்க்கலாம்.

சானியா மிர்சா:

இந்தியாவின் முன்னணி டென்னிஸ் வீராங்கனையாக திகழ்ந்து பல போட்டிகளில் சாதித்தவர் தான் சானியா மிர்சா. இவர் பாகிஸ்தான் கிரிக்கெட் வீரர் சோயிப் மாலிக் என்பவரை கடந்த 2010 ஆம் ஆண்டு திருமணம் செய்து கொண்ட நிலையில் இந்த தம்பதிகளுக்கு ஒரு மகனும் உள்ளார். இந்த தம்பதியினர் 2024 ஆம் ஆண்டு தொடக்கத்திலேயே ஜனவரி மாதம் தங்கள் விவாகரத்தை அறிவித்தனர்.

ஜிவி பிரகாஷ் – சைந்தவி:

தமிழ் சினிமாவின் முன்னணி இசையமைப்பாளராக திகழ்ந்து கொண்டிருக்கும் இசையமைப்பாளரான ஜிவி பிரகாஷ் பள்ளி மாணவியாக இருக்கும்போதே பாட வந்த சைந்தவியை காதலித்து வந்த நிலையில் அதன் பிறகு திருமணம் செய்து கொண்டார். 11 ஆண்டு காலம் ஒன்றாக சேர்ந்து வாழ்க வந்த இவர்கள் இந்த வருடம் மே மாதம் விவாகரத்து செய்வதாக அறிவித்தனர்.

ஹர்திக் பாண்டியா:

இந்திய கிரிக்கெட் அணியின் ஆல் ரவுண்டர் ஹர்திக் பாண்டியா பாலிவுட் நடிகையான நடாஷா ஸ்டான்கோவிச் என்பவரை கடந்த 2020 ஆம் ஆண்டு திருமணம் செய்து கொண்ட நிலையில் இந்த தம்பதிகளுக்கு ஒரு மகனும் உள்ளார். இப்படியான நிலையில் கடந்த ஜூலை மாதம் இந்த தம்பதியினர் தங்கள் பிரிவை அறிவித்தனர்.

ஜெயம்ரவி:

 

தமிழ் சினிமாவில் முன்னணி நடிகர்களில் ஒருவராக வளம் வந்து கொண்டிருக்கும் நடிகர் ஜெயம் ரவி கடந்த 2009 ஆம் ஆண்டு ஆர்த்தியை காதலித்து திருமணம் செய்து கொண்ட நிலையில் இந்த தம்பதிகளுக்கு இரண்டு மகன்களும் உள்ளன. தங்கள் திருமண வாழ்க்கையில் மகிழ்ச்சியாக வாழ்ந்து வந்த இவர்கள் இந்த ஆண்டு செப்டம்பர் மாதம் தங்கள் விவாகரத்தை அறிவித்தனர்.

ஏ ஆர் ரகுமான்:

தமிழ் சினிமாவில் முன்னணி இசையமைப்பாளர்களில் ஒருவராக பலம் வந்து கொண்டிருக்கும் ஏ ஆர் ரகுமான், சாய்ராம் பானுவை காதலித்து திருமணம் செய்து கொண்ட நிலையில் இந்த தம்பதிகளுக்கு இரண்டு மகள்கள் மற்றும் ஒரு மகன் உள்ளனர். திருமண வாழ்க்கையில் மகிழ்ச்சியாக வாழ்ந்து வந்த இவர்கள் கடந்த நவம்பர் 19ஆம் தேதி தங்கள் விவாகரத்தை அறிவித்தனர்.

தனுஷ் – ஐஸ்வர்யா:

தமிழ் சினிமாவில் நடிகராக மட்டுமல்லாமல் தயாரிப்பாளர் மற்றும் பாடகர் என பன்முக திறமை கொண்டு வலம் வந்து கொண்டிருக்கும் நடிகர் தனுஷ் சூப்பர் ஸ்டார் ரஜினியின் மூத்த மகளான ஐஸ்வர்யாவை திருமணம் செய்து கொண்ட நிலையில் இந்த தம்பதிகளுக்கு இரண்டு மகன்கள் உள்ளனர். இப்படியான நிலையில் கடந்த 2020 ஆம் ஆண்டு இருவரும் தங்கள் பிரிவை அறிவித்திருந்த நிலையில் சட்டபூர்வமாக சமீபத்தில் தான் இவர்களுக்கு விவாகரத்து கிடைத்தது.