2023 Google-ல் அதிகம் தேடப்பட்ட திரைப்படங்கள்… வெளியான டாப் 10  லிஸ்ட்.. Leo vs Jailer வெற்றி யாருக்கு..?

2023 முடிய இன்னும் ஒரு சில நாட்களே உள்ள நிலையில்  இந்த வருடத்தின் சிறந்த படம், சிறந்த நடிகர், சிறந்த நடிகைகள், சிறந்த தொழில்நுட்ப கலைஞர் என நிறைய கணக்கெடுப்பு நடக்கும். அப்படி இந்த வருடத்திற்கான கணக்கெடுப்புகளும் தொடங்கியுள்ளது. அந்த வகையில் இந்த வருடம் கூகுளில் அதிகம் தேடப்பட்ட படங்களின் விவரங்களை Google வெளியிட்டுள்ளது.

அதில் எந்தெந்த படங்கள் இடம்பெற்றுள்ளது என்பதை  தொகுப்பில் நாம் பார்க்கலாம். 2023ம் ஆண்டு இந்தியாவில் கூகுளில் அதிகம் தேடப்பட்ட படமாக ஷாருக்கான் நடித்த ஜவான் படம் உள்ளது. தமிழ் சினிமாவின் முன்னணி இயக்குனர்களில் ஒருவரான அட்லீயின் இயக்கத்தில் வெளிவந்த இத்திரைப்படம் ரசிகர்கள் மத்தியில் நல்ல வரவேற்பை பெற்றது.

இரண்டாவது இடத்தில் சன்னி தியோல் நடித்த ‘காடர் 2’ திரைப்படமும், மூன்றாவது இடத்தில்  ஹாலிவுட்டில் கிறிஸ்டோபர் நோலன் இயக்கத்தில் வெளிவந்த ‘ஓபன்ஹெய்மர்’ திரைப்படமும், நான்காவது இடத்தில்  பிரபாஸ் நடிப்பில் வெளிவந்த ‘ ஆதிபுரூஷ்’ திரைப்படமும், 5-வது இடத்தில்  ஷாருக்கான் நடிப்பில் வெளிவந்த  ‘பதான்’  திரைப்படமும் இடம்பெற்றுள்ளது.

6-வது இடத்தில் ‘தி கேரளா ஸ்டோரி’ திரைப்படமும்,  7-வது இடத்தில் சூப்பர் ஸ்டார் ரஜினி நடித்த ‘ஜெயிலர்’ திரைப்படமும், 8-வது இடத்தில் விஜய் நடித்த ‘லியோ’  திரைப்படமும்,   9-வது இடத்தில் ‘டைகர்’ திரைப்படமும்,  10 -வது இடத்தில் விஜய்யின் ‘வாரிசு’ திரைப்படமும் இடம்பெற்றுள்ளது.  தற்பொழுது இந்த பட்டியலில் தளபதியின் லியோ, வாரிசு படங்களும், சூப்பர் ஸ்டாரின் ஜெயிலர் திரைப்படமும் இடம்பெற்றிருப்பது ரசிகர்களை குஷியில் ஆழ்த்தியுள்ளது.