திருச்சியில் இருந்து 127 பயணிகளுடன் சிங்கப்பூர் புறப்பட்ட இண்டிகோ (6E 1007) விமானத்தில் நடுவானில் திடீரென ஏற்பட்ட தொழில்நுட்பக் கோளாறு காரணமாக, அது மீண்டும் திருச்சி விமான நிலையத்திலேயே பத்திரமாகத் தரையிறக்கப்பட்டது. மாலை 6.30 மணிக்கு புறப்பட்ட சில நிமிடங்களிலேயே இந்த கோளாறு கண்டறியப்பட்டதால், மேற்கொண்டு பயணிப்பது ஆபத்து என்பதை உணர்ந்த விமானிகள் உடனடியாகக் கட்டுப்பாட்டு அறையைத் தொடர்புகொண்டு நிலைமையை விளக்கினர்.
விமானம் புறப்பட்ட சிறிது நேரத்திலேயே தரையிறங்க வேண்டிய சூழல் உருவானதால், அதில் எரிபொருள் முழுமையாக இருந்தது. அதிக எரிபொருளுடன் தரையிறங்குவது பெரும் ஆபத்தை விளைவிக்கும் என்பதால், எரிபொருளின் அளவைக் குறைப்பதற்காக விமானத்தை வானிலேயே வட்டமடிக்க விமானிகளுக்கு அறிவுறுத்தப்பட்டது. இதன் காரணமாக, சுமார் 2 மணி நேரத்திற்கும் மேலாக திருச்சி வான்வெளியில் வட்டமடித்த விமானம், இரவு 8.55 மணிக்கு திருச்சி விமான நிலையத்தில் வெற்றிகரமாகத் தரையிறங்கியது.
பயணிகள் அனைவரும் எவ்வித காயமுமின்றி பாதுகாப்பாக மீட்டெடுக்கப்பட்ட நிலையில், இச்சம்பவம் குறித்து பேசிய விமான நிலைய இயக்குநர் ஜி. கோபாலகிருஷ்ணன், பயணித்த 127 பேருக்கும் சனிக்கிழமை அதிகாலையில் மாற்று விமானம் ஏற்பாடு செய்யப்பட்டு சிங்கப்பூருக்கு அனுப்பி வைக்கப்படுவர் எனத் தெரிவித்தார். விமானிகளின் சுதாரிப்பான நடவடிக்கையினாலும், கட்டுப்பாட்டு அறையின் சரியான வழிகாட்டுதலினாலும் ஒரு பெரிய அசம்பாவிதம் தவிர்க்கப்பட்டு பயணிகள் நிம்மதி அடைந்தனர்.
வங்கக் கடலில் புதிய புயல் சின்னம் உருவாக வாய்ப்புள்ளதைத் தொடர்ந்து, தமிழகத்தின் பல்வேறு மாவட்டங்களுக்கு இந்திய வானிலை ஆய்வு மையம்…
மகாராஷ்டிரா மாநிலம் நாசிக் சிட்கோ பகுதியில் உள்ள ஒயின் ஷாப் ஒன்றில், பிரஷர் கன் மூலம் பாய்ந்த இரும்பு ஆணி…
தேசியவாத காங்கிரஸ் தலைவரும் மூத்த அரசியல்வாதியுமான சரத் பவாருக்கு அண்மையில் ஏற்பட்ட உடல்நலக் குறைவைத் தொடர்ந்து, அவருக்குப் பூரண ஓய்வளிக்க…
குஜராத் மாநிலம் சூரத் பகுதியில், வாங்கிய கடனைத் திருப்பிக் கொடுக்காததால் ஏற்பட்ட தகராறில் சக ஊழியரின் தலையைத் துண்டித்து மயானத்தில்…
பீகார் மாநிலம் பக்ஸார் மாவட்டத்தைச் சேர்ந்த ஊரக வளர்ச்சி அதிகாரி அல்பிதா சிங், கடந்த எட்டு மாதங்களாகத் தனக்கு சம்பளம்…
பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக்…