டெல்லி அரசுத் துறைகளில் காலியாக உள்ள 1,979 அறிவியல் உதவியாளர், ஃபிட்டர், லிஃப்ட் ஆபரேட்டர் மற்றும் மெக்கானிக் ஆகிய பணியிடங்களுக்கான அதிகாரப்பூர்வ வேலைவாய்ப்பு அறிவிப்பு வெளியாகியுள்ளது. இந்தப் பணியிடங்களுக்கு விண்ணப்பிக்க விரும்பும் விண்ணப்பதாரர்கள் சம்பந்தப்பட்ட துறைகளில் ஐடிஐ (ITI) அல்லது டிகிரி (Degree) தேர்ச்சி பெற்றிருக்க வேண்டும்.
மேலும், விண்ணப்பிப்பதற்கான வயது வரம்பு 18 முதல் 27 வயதிற்குள் இருக்க வேண்டும் என நிர்ணயிக்கப்பட்டுள்ளது. தகுதியான நபர்கள் எழுத்துத் தேர்வு மற்றும் கணித நுண்ணறிவுத் தேர்வு (Written Exam and Aptitude Test) ஆகியவற்றின் அடிப்படையில் தேர்ந்தெடுக்கப்படுவார்கள்; இப்பதவிகளுக்கு மாதச் சம்பளமாக ₹29,200 முதல் ₹92,300 வரை வழங்கப்படும். ஆர்வமும் தகுதியும் உள்ளவர்கள் டெல்லி அரசுப் பணியாளர் தேர்வாணையத்தின் இணையதளம் வாயிலாக வரும் ஜூலை 15-ஆம் தேதிக்குள் ஆன்லைனில் தங்களது விண்ணப்பங்களைச் சமர்ப்பிக்குமாறு கேட்டுக்கொள்ளப்படுகிறார்கள்.