நடுரோட்டில் தலைகுப்புற கவிழ்ந்த தனியார் பேருந்து…. 15 பயணிகளின் நிலை…. விருத்தாசலம் கோர விபத்து….!

கடலூர் மாவட்டம் விருத்தாசலம் அருகே உள்ள கருவேப்பிலங்குறிச்சி பேருந்து நிறுத்தம் பகுதியில், தனியார் பேருந்து ஒன்று கட்டுப்பாட்டை இழந்து சாலையின் நடுவே இருந்த தடுப்புச் சுவரில் மோதி கோர விபத்துக்குள்ளானது. இந்த விபத்தில் பேருந்தில் பயணம் செய்த 15-க்கும் மேற்பட்ட பயணிகள் பலத்த காயமடைந்தனர். உடனே விபத்து குறித்துத் தகவலறிந்த அப்பகுதி பொதுமக்கள் விபத்து இடத்திற்கு விரைந்து சென்று, காயமடைந்தவர்களை மீட்டு அருகில் உள்ள மருத்துவமனைக்குச் சிகிச்சைக்காக அனுப்பி வைத்தனர்.

இந்த விபத்து குறித்துக் காவல் துறையினர் வழக்குப்பதிவு செய்து தீவிர விசாரணை நடத்தி வருகின்றனர். இதற்கிடையே, பேருந்து ஓட்டுநரின் கடுமையான அலட்சியமே இந்த விபத்திற்குக் காரணம் எனப் பெண் பயணி ஒருவர் பகிரங்கமாகக் குற்றம்சாட்டியுள்ளார். சாலையில் நடுவே உள்ள தடுப்புச் சுவரில் பேருந்து மோதிய சம்பவம் அப்பகுதியில் பெரும் பரபரப்பையும் சோகத்தையும் ஏற்படுத்தியுள்ளது.