“எனக்கு அவன் தான் வேணும்…” திருமணத்தை நிறுத்த அடம்பிடித்த மகள்… தூங்கிக்கொண்டிருந்த போது தலையில் சுட்ட கொடூர தந்தை… பகீர் பின்னணி…!!

உத்தரப்பிரதேச மாநிலம் மைன்புரி மாவட்டம் போங்காவ் பகுதியில், தந்தை நிச்சயித்த திருமணத்தை மறுத்துத் தான் காதலித்த நபரையே திருமணம் செய்யப் பிடிவாதம் பிடித்த 19 வயது மகள் ஷாசியாவை, அவரது தந்தை தூங்கிக்கொண்டிருந்தபோது தலையில் துப்பாக்கியால் சுட்ட அதிர்ச்சிச் சம்பவம் பெரும் பரபரப்பை ஏற்படுத்தியுள்ளது.

கூலித் தொழிலாளியான ஆசின் கான் என்பவர் தனது மகள் ஷாசியாவிற்கு வேறு ஒரு நபருடன் நவம்பர் 19-ல் திருமணம் செய்ய ஏற்பாடு செய்திருந்தார். ஆனால், மகள் காதலித்தவரையே திருமணம் செய்வதில் உறுதியாக இருந்ததால், ஆத்திரமடைந்த தந்தை நள்ளிரவில் தூங்கிக்கொண்டிருந்த மகளின் தலையில் சுட்டுள்ளார். துப்பாக்கிச் சத்தம் கேட்டு ஓடிவந்த தாய் கேருனிஷா, பலத்த காயமடைந்த மகளை மீட்டுச் சைஃபாய் மருத்துவக் கல்லூரி மருத்துவமனையில் அனுமதித்தார். தாயார் அளித்த புகாரின் பேரில் வழக்குப் பதிவு செய்த காவல்துறையினர், தலைமறைவாக முயன்ற தந்தை ஆசின் கானைக் கைது செய்து தீவிர விசாரணை நடத்தி வருகின்றனர்.