அடுக்குமாடி குடியிருப்பு ஒன்றில் நிறுத்தப்பட்டிருந்த சைக்கிளை, வெறும் 12 வயதே நிரம்பிய சிறுவன் ஒருவன் எவ்வித பயமும் இன்றி நைஸாகத் திருடிச் செல்லும் கொடூர சம்பவம் அரங்கேறியுள்ளது. இச்சம்பவத்தின் முழு காட்சிகளும் அப்பார்ட்மெண்ட்டில் பொருத்தப்பட்டிருந்த சிசிடிவி கேமராவில் தெளிவாகப் பதிவாகியுள்ளது.
கல்வி கற்கவும், விளையாட்டு மற்றும் நல்ல எதிர்காலத்தைக் கட்டியெழுப்பவும் வேண்டிய பிஞ்சு வயதில், அச்சிறுவன் எவ்வித தயக்கமுமின்றித் திருட்டுச் சம்பவத்தில் ஈடுபட்டுள்ளது அப்பகுதி மக்களிடையே பெரும் அதிர்ச்சியை ஏற்படுத்தியுள்ளது.
சமூக வலைதளங்களில் பரவி வரும் தவறான வழிகாட்டுதல்களும், கலாச்சார சீரழிவுகளுமே சிறுவர்களை இது போன்ற குற்றச் செயல்களில் ஈடுபடத் தூண்டுகின்றன என சமூக ஆர்வலர்கள் சுட்டிக்காட்டுகின்றனர். 12 வயது சிறுவன் கூசாமல் கைவரிசை காட்டிய இந்த சிசிடிவி காட்சிகள் தற்போது இணையத்தில் பெரும் விவாதத்தையும் பரப்பரப்பையும் ஏற்படுத்தியுள்ளது.