நாட்டின் மிகப்பெரிய பொதுத்துறை வங்கியான பாரத ஸ்டேட் வங்கியில் (SBI) காலியாக உள்ள 100 ‘டிரேட் பைனான்ஸ் ஆபிசர்’ (Trade Finance Officer) பணியிடங்களை நிரப்புவதற்கான புதிய வேலைவாய்ப்பு அறிவிப்பு வெளியாகியுள்ளது. இப்பதவிக்கு விண்ணப்பிக்க விரும்புவோர் ஏதேனும் ஒரு துறையில் அங்கீகரிக்கப்பட்ட பட்டப்படிப்பை (Degree) முடித்திருப்பதுடன், தொடர்புடைய துறையில் பணி அனுபவமும் பெற்றிருக்க வேண்டும். மேலும், விண்ணப்பதாரர்கள் குறைந்தபட்சம் 21 வயது முதல் அதிகபட்சம் 32 வயதிற்குள் இருக்க வேண்டும். தகுதியான நபர்கள் எழுத்துத் தேர்வு ஏதுமின்றி, நேர்முகத்தேர்வு (Interview) மூலம் மட்டுமே நேரடியாகத் தேர்ந்தெடுக்கப்படுவார்கள் என்பது குறிப்பிடத்தக்கது.
இப்பணிக்குத் தேர்வு செய்யப்படும் நபர்களுக்கு மாதம் ₹64,820 முதல் ₹93,960 வரை ஈர்க்கக்கூடிய சம்பளம் வழங்கப்படும். இதற்கு விண்ணப்பிக்கப் பொதுப் பிரிவினருக்கு விண்ணப்பக் கட்டணமாக ₹750 நிர்ணயம் செய்யப்பட்டுள்ளது; எஸ்சி, எஸ்டி மற்றும் மாற்றுத்திறனாளி பிரிவினருக்குக் கட்டணம் ஏதுமில்லை. தகுதியும் விருப்பமும் உள்ளவர்கள் வரும் ஜூன் 2, 2026 (02.06.2026) ஆம் தேதிக்குள் ஆன்லைன் மூலமாக விண்ணப்பிக்க வேண்டும். இதுகுறித்த கூடுதல் விவரங்களை அறியவும், ஆன்லைனில் விண்ணப்பிக்கவும் வங்கியின் அதிகாரப்பூர்வ இணையதளமான https://sbi.bank.in/ பக்கத்தைப் பார்வையிடலாம்.