ஐயோ கடவுளே… அண்ணன் கையில் ராக்கி கட்டும் முன் விபரீதம்… 20 அடி ஆழக் குழியில் விழுந்த தங்கை பலி… கதறும் குடும்பம்… நெஞ்சை நடுங்கவைக்கும் சம்பவம்…!

ரக்ஷா பந்தன் திருநாளின் போது உத்தரப் பிரதேசத்தில் நிகழ்ந்த இந்தத் துயரச் சம்பவம் ஒட்டுமொத்த மனிதகுமனையும் உலுக்கியுள்ளது. குளித்துவிட்டு வெளியே வந்த யஷு சவிதா என்ற இளம்பெண், தன் வீட்டின் முன்றலில் திடீரென தரை தாழ்ந்ததில் 20 அடி ஆழமுள்ள திறந்த துளைக் கிணற்றுக்குள் (Boring pit) விழுந்தது குடும்பத்தினரை பேரதிர்ச்சியில் ஆழ்த்தியது. பண்டிகை கொண்டாட்டமாக இருக்க வேண்டிய அந்த வீடு, நொடியில் பேரிழப்பின் சோகத்தில் மூழ்கியது.

சுமார் 7 மணி நேரம் நீடித்த தீவிர மீட்புப் பணியும் கூட அந்த இளம் உயிரைக் காப்பாற்ற உதவவில்லை என்பது அரசின் மீது கடும் விமர்சனங்களை எழுப்பியுள்ளது. அவசர காலக்கட்டத்திலும் உரிய நேரத்தில் துரிதமாகச் செயல்படத் தவறிய அதிகாரிகளின் மெத்தனப்போக்கும், ஆழமான குழியில் சிக்கியவரை மீட்கப் போதுமான நவீன உபகரணங்கள் மற்றும் கனரக இயந்திரங்கள் உடனடியாகக் கிடைக்காததும் இந்த மரணத்திற்கு முக்கியக் காரணமாக அமைந்தது.

பாதுகாப்பற்ற முறையில் விடப்பட்ட இதுபோன்ற திறந்த வெளித் துளைக் கிணறுகளால் ஏற்படும் ஆபத்துகள் தொடர் கதையாகி வருவது மக்களிடையே கடும் ஆத்திரத்தை ஏற்படுத்தியுள்ளது. அரசுத்துறையின் முறையான கண்காணிப்பு இன்மையும், அவசர கால மீட்புப் பணிகளில் நிலவும் தொய்வும் மீண்டும் ஒரு விலைமதிப்பற்ற உயிரைப் பலிவாங்கியுள்ளதுடன், இதுபோன்ற அவலங்களைத் தடுத்து நிறுத்த கடுமையான சட்டங்களும் நடவடிக்கைகளும் அவசியமாக்கப்பட்டுள்ளன.