திருமணமான பத்தே மாதத்தில் செல்போனால் முடிந்து போன வாழ்க்கை… தாலியை கழட்டிவிட்டு இளம் பெண் செய்த அதிர்ச்சி சம்பவம்..!

கடலூர் மாவட்டம் விருதாச்சலம் அருகே உள்ள பெலந்துறை என்ற கிராமத்தில் கனக துரை என்பவர் வசித்து வருகின்றார். இவருக்கு 19 வயதில் அன்பரசி என்ற மகள் உள்ளார். அன்பரசிக்கும் அதே கிராமத்தை சேர்ந்த அறிவழகன் என்பவருக்கும் கடந்த 10 மாதங்களுக்கு முன்பு திருமணம் நடந்துள்ளது. இருவரு மகிழ்ச்சியாக வாழ்ந்து வந்த நிலையில் அவர்களது மகிழ்ச்சியை நீண்ட நாள் நீடிக்கவில்லை. அதற்கு முக்கிய காரணமே செல்போன் தான். கடந்த சில நாட்களாக அன்பரசி வேறொருவருடன் செல்போனில் அடிக்கடி பேசி வந்துள்ளார். இது பற்றி அறிந்ததும் அதிர்ச்சி அடைந்த அறிவழகன் அன்பரசியை கண்டித்துள்ளார்.

இருந்தாலும் அன்பரசி தொடர்ந்து செல்போனில் பேசியுள்ளார். இப்படியான நிலையில் கடந்த ஜூலை 16ஆம் தேதி வீட்டில் இருந்து அன்பரசி அந்த நபருடன் செல்போனில் பேசிக் கொண்டிருந்தார். அப்போது வெளியே சென்ற அறிவழகன் வீட்டிற்குள் வரும்போது மனைவி செல்போனில் பேசிக் கொண்டிருப்பதை கண்டு ஆத்திரம் அடைந்து கடுமையாக கண்டித்துள்ளார். இதனால் அன்பரசி தனது கணவர் கட்டிய தாலியை கழற்றி வீட்டில் வைத்துவிட்டு வெளியேறினார்.

மீண்டும் வீடு திரும்பாத நிலையில் அதிர்ச்சி அடைந்த கணவர் குடும்பத்தினர் மற்றும் பெற்றோர் சில இடங்களில் அவரை தேடிப் பார்த்தும் கிடைக்கவில்லை. இது தொடர்பாக காவல் நிலையத்தில் புகார் அளித்ததை தொடர்ந்து போலீசார் வழக்கு பதிவு செய்து விசாரணை நடத்தினர். அந்த விசாரணையில் தாலியை கழற்றி வீட்டில் வைத்துவிட்டு வெளியேறிய அன்பரசி கோவையில் இருக்கும் ஒரு தனியார் நிறுவனத்தில் வேலை செய்து கொண்டிருப்பது தெரிய வந்தது. இதனைத் தொடர்ந்து அவரை மீட்டு வந்து விசாரணை நடத்த போலீசார் திட்டமிட்டுள்ளனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.