திருமணமான பெண் ஒருவர் தனது உறவினர் முறை உடைய மைத்துனருடன் ஏற்பட்ட கள்ளத்தொடர்பின் காரணமாக வீட்டைவிட்டு வெளியேறிச் சென்ற சில நாட்களிலேயே, கிராமத்திற்கு அருகிலுள்ள கால்வாயில் சடலமாக மீட்கப்பட்டுள்ள சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது.
உள்ளூர் தகவல்களின்படி, சாஜியா என்ற திருமணமாகி குடும்பத்துடன் வசித்து வந்த பெண், தனது கணவரின் உறவினரான சர்பராஸ் என்பவருடன் பழக்கம் ஏற்பட்டுள்ளது. இந்த முறையற்ற தொடர்பு நாளுக்கு நாள் தொடர்ந்து, இருவரும் வீட்டை விட்டு வெளியேறிச் செல்லத் திட்டமிட்டுள்ளனர். அதன்படி, வீட்டில் இருந்த சுமார் 1 லட்சம் ரூபாய் ரொக்கப் பணம் மற்றும் மதிப்புமிக்க நகைகளைத் திருடிக்கொண்டு சாஜியா தனது கள்ளக்காதலன் சர்பராஸுடன் தலைமறைவாகியுள்ளார்.
குடும்பத்தினர் மற்றும் ஊரார் தேடியலைந்த நிலையில், திடீரென்று கிராமத்திலிருந்து சுமார் அரை கிலோமீட்டர் தொலைவில் உள்ள ஒரு கால்வாயில் சாஜியாவின் உடல் மிதப்பதாகக் காவல்துறைக்குத் தகவல் கிடைத்துள்ளது. விரைந்து வந்த காவல்துறையினர் உடலைக் கைப்பற்றிப் பிரேதப் பரிசோதனைக்கு அனுப்பி வைத்ததுடன், இது கொலையா அல்லது தற்கொலையா என்ற கோணத்தில் தீவிர விசாரணையைத் தொடங்கியுள்ளனர்.
பணம் மற்றும் நகைகளுடன் தப்பியோடிய பெண் குறுகிய காலத்திற்குள் இப்படி மர்மமான முறையில் உயிரிழந்திருப்பது அப்பகுதியில் பெரும் சோகத்தையும் பல்வேறு சந்தேகங்களையும் ஏற்படுத்தியுள்ளது. கள்ளக்காதல் விவகாரங்கள் எவ்வாறு கோரமான முடிவுகளில் கொண்டுபோய் விடுகின்றது என்பதை உணர்த்தும் இச்சம்பவம் தற்போது இணையத்தில் பெரும் விவாதப் பொருளாக மாறியுள்ளது.