ஓடும் ராபிடோ பைக்கில் இளம்பெண்ணிடம்… காலைப் பிடித்து இழுத்து ஓட்டுநர் செய்த அசிங்கம்… வீடியோ எடுத்துப் பாடம் புகட்டிய துணிச்சல்காரப் பெண்…!!!

பெங்களூருவின் சர்ச் ஸ்ட்ரீட் பகுதியில் பிஜி (PG) நோக்கித் திரும்பிக் கொண்டிருந்த இளம்பெண் ஒருவருக்கு, தான் புக் செய்த ராபிடோ (Rapido) பயணத்தின்போது நேர்ந்த அதிர்ச்சிகரமான அனுபவம் தற்போது சமூக வலைதளங்களில் பெரும் கொந்தளிப்பை ஏற்படுத்தியுள்ளது. பாதுகாப்பாக வீடு போய் சேரலாம் என்று நம்பி அந்தப் பெண் ராபிடோ புக் செய்த நிலையில், வழியிலேயே அந்த பைக் ஓட்டுநர் அந்தப் பெண்ணின் காலைப் பிடித்து தவறாக நடக்க முயன்றுள்ளார்.

திடீரென நடந்த இந்த அத்துமீறலால் அந்தப் பெண் நிலைகுலைந்து போனாலும், இக்கட்டான அந்தச் சூழலில் தனது துணிச்சலை இழக்கவில்லை. உடனடியாகத் தனது அலைபேசியை எடுத்து ஓட்டுநரின் அந்த அநாகரீகச் செயலை வீடியோவாகப் பதிவு செய்ததோடு, விடாமல் காவல் நிலையத்திற்குச் சென்று புகார் அளித்துள்ளார். அந்தப் பெண்ணின் இந்தத் துரிதமான மற்றும் தைரியமான செயல், தற்போது அந்த ஓட்டுநர் மீது சட்டப்பூர்வ நடவடிக்கை எடுக்க வழிவகுத்துள்ளது.

இருப்பினும், இந்தச் சம்பவம் பெங்களூரு போன்ற பெருநகரங்களில் பெண்களின் பாதுகாப்பு குறித்த பல கேள்விகளை எழுப்பியுள்ளது. ஒவ்வொரு முறையும் ஒரு பெண் ராபிடோ அல்லது மற்ற வாகனங்களை முன்பதிவு செய்யும்போது, அது வெறும் பயணமாக மட்டுமில்லாமல் ஒரு அச்சம் கலந்த சவாலாகவே மாறுகிறது. “எங்கள் மகள்களுக்கு பெங்களூரு வீதிகள் எப்போது பாதுகாப்பானதாக மாறும்?” என்ற ஆதங்கம் பொதுமக்களிடையே எழுந்துள்ளது. பயணிகளிடம் வாகனங்கள் மட்டும் வந்தால் போதாது, அவர்களின் பாதுகாப்பிற்கும் நிறுவனங்கள் பொறுப்பேற்க வேண்டும் என்பதே அனைவரின் கோரிக்கையாக உள்ளது.