கோவையில் தனியார் கல்லூரி மாணவர் ஒருவரை இன்ஸ்டாகிராம் மூலம் அறிமுகமான பெண், ஆபாச வீடியோ கால் எடுக்கத் தூண்டி மிரட்டிய சம்பவம் பெரும் அதிர்ச்சியை ஏற்படுத்தியுள்ளது. அந்த மாணவனின் அந்தரங்கக் காட்சிகளைப் பதிவு செய்த மர்மக் கும்பல், அதனை வெளியிடுவதாக மிரட்டிப் பணம் பறித்ததோடு, மாணவனின் பெற்றோருக்கும் அந்த வீடியோவை அனுப்பி மிரட்டியுள்ளது. நண்பரின் உதவியுடன் சைபர் கிரைம் போலீசில் புகார் அளிக்கப்பட்ட நிலையில், தற்போது போலீசார் தீவிர விசாரணை நடத்தி வருகின்றனர்.
இது போன்ற ‘செக்ஸ்டார்ஷன்’ (Sextortion) மோசடிகள் அதிகரித்து வருவதால், இளைஞர்கள் மற்றும் பெண்கள் அறிமுகமில்லாத நபர்களிடம் சமூக வலைதளங்களில் எச்சரிக்கையாக இருக்க வேண்டும் என போலீசார் அறிவுறுத்தியுள்ளனர். வீடியோ கால்கள் மற்றும் புகைப்படங்கள் எளிதாகப் பதிவு செய்யப்படலாம் என்பதால், அந்தரங்க விஷயங்களைப் பகிர வேண்டாம் என்றும், மிரட்டல்களுக்குப் பயந்து பணம் கொடுக்காமல் உடனடியாக 1930 என்ற எண்ணிலோ அல்லது சைபர் கிரைம் பிரிவிலோ புகார் அளிக்க வேண்டும் என்றும் கேட்டுக்கொண்டுள்ளனர்.