சிங்கப்பெண்ணே…! “காட்டுக்குள் பெட்ரோல் தீர்ந்து நின்ற ஸ்கூட்டர்…” அடுத்தடுத்து தாக்கிய 2 சிறுத்தைகள்… ஹெல்மெட்டால் அடித்து துரத்திய இளம்பெண்…. வைரலாகும் வீடியோ…!!

காட்டுப் பாதையில் பயணித்த போது ஸ்கூட்டரில் பெட்ரோல் தீர்ந்து நின்ற நிலையில், அடுத்தடுத்து தாக்கிய இரண்டு சிறுத்தைகளிடம் இருந்து ஹெல்மெட்டைப் பயன்படுத்தி வீராங்கனையாகப் போராடி இளம்பெண் ஒருவர் உயிர் தப்பிய சம்பவம் பெரும் பரபரப்பையும் ஆச்சரியத்தையும் ஏற்படுத்தியுள்ளது.

அடர்ந்த காட்டுப் பகுதியில் இளம் பெண் ஒருவர் ஸ்கூட்டரில் சென்று கொண்டிருந்தபோது திடீரென வாகனத்தில் பெட்ரோல் தீர்ந்து நின்றுள்ளது. அப்போது புதருக்குள் இருந்து பாய்ந்து வந்த கொடூரச் சிறுத்தை ஒன்று அப்பெண்ணைத் தாக்கியுள்ளது. நிலைகுலையாத அந்தப் பெண், தான் வைத்திருந்த ஹெல்மெட்டை ஆயுதமாகப் பயன்படுத்திச் சிறுத்தையை அடித்துத் தற்காத்துக் கொண்டார்.

ஆனால், அடுத்த சில நொடிகளிலேயே மற்றொரு சிறுத்தையும் அங்கு வந்து அப்பெண் மீது ஆக்ரோஷமாகப் பாய்ந்துள்ளது. மீண்டும் எல்லை இல்லாத துணிச்சலைக் காட்டிய அப்பெண், அந்தச் சிறுத்தையின் தாக்குதலிலிருந்தும் போராடித் தப்பித்துத் தனது உயிரைக் காப்பாற்றிக் கொண்டார். சாலைப் பாதுகாப்பிற்கு மட்டுமின்றி, கொடூர மிருகங்களிடம் இருந்தும் தனது உயிரைக் காப்பாற்றிய அந்த ஹெல்மெட்டின் முக்கியத்துவத்தையும், அப்பெண்ணின் வீரத்தையும் கண்டு நெட்டிசன்கள் இணையத்தில் பாராட்டி வருகின்றனர்.