“நானும் ரவுடிதான்”… கத்தியை வைத்து பெண்களிடம் அட்டகாசம் செய்த இளைஞர்கள்… தரமான சம்பவம் செய்த கிராம மக்கள்…!

திருவள்ளூர் மாவட்டம் திருத்தணி அருகே ஆர் கே பேட்டை தாலுக்கா ஐயனேரி கிராமத்தை சேர்ந்த குமரேசன் மற்றும் சதீஷ் இருவரும் அந்த கிராமத்தில் திருமணமான பெண்கள் மற்றும் சிறுமிகள் என ஒருவரையும் விட்டு வைக்காமல் அனைத்து பெண்களையும் கேடு கிண்டல் செய்து வந்துள்ளனர். இதனைப் பார்த்த கிராம மக்கள் இருவரையும் எச்சரித்து பலமுறை அனுப்பி வைத்தனர். ஆனால் அவர்கள் மீண்டும் மது போதையில் வந்ததாகவும் இரவு நேரம் என்றும் பாராமல் பெண்களை கிண்டல் செய்ததாகவும் தெரிகிறது.

இதனைத் தொடர்ந்து கிராம மக்கள் இளைஞர்களிடம் வாக்குவாதத்தில் ஈடுபட்ட நிலையில் அங்கிருந்து சென்ற இளைஞர்கள் தன்னுடன் நண்பர்களை சேர்த்து அடியாட்களுடன் 10 பேர் ஒன்று கூடி மீண்டும் கிராமத்துக்குள் வந்து கத்தியை வைத்து நானும் ரவுடிதான் என்று கூறி மீண்டும் வாக்குவாதத்தில் ஈடுபட்டனர். இதனால் ஆத்திரமடைந்த கிராம மக்கள் 10 பேர் கொண்ட கும்பலை சுற்றி வளைத்தனர்.

இதனைப் பார்த்த இளைஞர்கள் அலறி அடித்துக் கொண்டு ஓட்டம் பிடித்த நிலையில் அவர்களை மடக்கிப்பிடித்த கிராம மக்கள் மின் கம்பத்தில் கட்டி வைத்த தர்ம அடி கொடுத்தனர். பிறகு போலீசாருக்கு தகவல் தெரிவிக்கப்பட்ட நிலையில் சம்பவ இடத்திற்கு வந்த போலீசார் இருவரையும் கைது செய்தனர். இந்த சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தி உள்ளது.