மறுமணம் செய்த பிறகும் முதல் மனைவியின் நினைவு…! ஓட்டல் அறையில் தூக்கில் தொங்கிய கணவன்…. வாட்ஸ்அப்பில் பதிவிட்ட ‘கடைசி’ புகைப்படம்…!!

உத்தரப் பிரதேச மாநிலம் ஜலால்பூர் பகுதியைச் சேர்ந்த அலோக் வர்மா (27) என்ற வாலிபர், ராதே நகரில் உள்ள ஒரு விடுதியில் தூக்கிட்டுத் தற்கொலை செய்துகொண்டார். இன்று காலை நீண்ட நேரமாகியும் இவரது அறைக் கதவு திறக்கப்படாததால் சந்தேகமடைந்த ஊழியர்கள், காவல்துறையினருக்குத் தகவல் அளித்தனர். போலீசார் கதவை உடைத்துப் பார்த்தபோது, அவர் மின்விசிறியில் சடலமாகத் தொங்குவதைக் கண்டு அதிர்ச்சியடைந்தனர். விசாரணையில், இவர் தனது முதல் மனைவியின் மரணத்திற்குப் பிறகு மறுமணம் செய்து கொண்டவர் என்பது தெரியவந்தது.

உயிரிழப்பதற்கு முன்னதாக அலோக் தனது வாட்ஸ்அப் பக்கத்தில் உருக்கமான ஒரு பதிவை இட்டுள்ளார். அதில் தனது மறைந்த முதல் மனைவியுடன் இருக்கும் புகைப்படத்தைப் பகிர்ந்து, “நான் உன்னிடமே வந்துவிடுகிறேன், என்னை அனைவரும் மன்னித்துவிடுங்கள்” எனப் பதிவிட்டுள்ளார். இரண்டாம் திருமணம் செய்திருந்தாலும், முதல் மனைவியின் நினைவால் வாடி வந்த அவர் இந்த விபரீத முடிவை எடுத்துள்ளது விசாரணையில் உறுதியானது. தற்போது அவரது உடலை மீட்ட போலீசார், பிரேதப் பரிசோதனை அறிக்கை வந்த பிறகு அடுத்தகட்ட நடவடிக்கை எடுக்கப்படும் எனத் தெரிவித்துள்ளனர்.