“யஷ் நீ என் தங்கம். பேபி”… பெண் ரவுடியிடம் இன்ஸ்பெக்டர் செய்த அந்தரங்க லீலைகள்… கமிஷனருக்கு பறந்த புகார்… !!!

கர்நாடக மாநிலம் பெங்களூருவில் பெண் ரவுடி ஒருவருக்கு காவல் ஆய்வாளர் பாலியல் ரீதியாக தொல்லை கொடுத்த சம்பவம் பெரும் அதிர்வலைகளை ஏற்படுத்தியுள்ளது. கொன்னாகொண்டே காவல் நிலைய ஆய்வாளர் பாப்பண்ணா, வழக்கு விசாரணைக்காக வந்த ‘சரித்திர பதிவேடு’ குற்றவாளியான யசஷ்வினி என்பவரின் செல்போன் எண்ணைப் பெற்றுள்ளார். அதன் பிறகு, அந்தப் பெண்ணுக்கு ‘செல்லம்’, ‘பேபி’ என குறுஞ்செய்திகள் அனுப்பியதுடன், நள்ளிரவில் ஆபாசமாகப் பேசி லவ் டார்சர் கொடுத்து வந்ததாகக் கூறப்படுகிறது.

பாப்பண்ணாவின் தொந்தரவு எல்லை மீறியதால், பாதிக்கப்பட்ட பெண் இதுகுறித்து பெங்களூரு போலீஸ் கமிஷனரிடம் ஆதாரங்களுடன் புகார் அளித்துள்ளார். ஆய்வாளர் தன்னைத் தனிமையில் சந்திக்க வற்புறுத்துவதாகவும், வீட்டிற்கு வந்து சிக்கன் சமைத்து ஊட்டிவிடுவதாக ஆபாசமாகப் பேசுவதாகவும் அந்தப் பெண் தனது புகாரில் குறிப்பிட்டுள்ளார். மேலும், இதுகுறித்து வெளியே சொன்னால் கூலிப்படையை ஏவி கணவர் மற்றும் குழந்தைகளைக் கொன்றுவிடுவேன் என ஆய்வாளர் மிரட்டியதாகவும், தனது மனைவி முதல்வர் சித்தராமையாவின் உறவினர் என்பதால் தன்னை யாரும் அசைக்க முடியாது என மிரட்டியதாகவும் அதிர்ச்சி தகவலை வெளியிட்டுள்ளார்.

தான் ஒரு எம்பிஏ பட்டதாரி என்றும், காவல்துறையினரின் இத்தகைய கீழ்த்தரமான செயலால் தான் மிகவும் மனமுடைந்துள்ளதாகவும் அந்தப் பெண் தெரிவித்துள்ளார். புகாருடன் சேர்த்து அவர் அனுப்பிய ஆபாச குறுஞ்செய்திகள் மற்றும் ஆடியோ ஆதாரங்களையும் கமிஷனரிடம் ஒப்படைத்துள்ளார். இந்த விவகாரம் தற்போது சமூக வலைதளங்களில் வெளியாகி வைரலாகி வருவதால், சம்பந்தப்பட்ட காவல் ஆய்வாளர் மீது கடும் நடவடிக்கை எடுக்க வேண்டும் என்ற கோரிக்கை வலுத்து வருகிறது.