உத்தரபிரதேச மாநிலம் காஜியாபாத் மாவட்டத்தில், ஒரு தொழிலாளி வேலைக்கு சென்ற இடத்தில ஒரு பெண் குளியலறையில் குளிப்பதை படம் பிடித்த சம்பவம் அதிர்ச்சியை ஏற்படுத்தியுள்ளது.
இந்த முழு சம்பவமும் சஞ்சய் நகர் செக்டார் 23 இல் உள்ள NSI மையத்தின் பிளாக்கில் நடந்தது. ஞாயிற்றுக்கிழமை, மோகன் நகரைச் சேர்ந்த குர்ஷித், சுவர் புட்டி தொழிலாளியாக ஒரு வீட்டில் வேலை செய்து வந்துள்ளார். இந்நிலையில் சம்பவத்தன்று அவர் வந்தபோது, அந்தப் பெண் குளியலறையில் குளித்துக் கொண்டிருந்தார். அப்போது அவர் பதுங்கிச் சென்று அவள் குளிப்பதை படம் பிடித்தார். அந்த இளைஞன் சந்தேகப்படும்படி நடந்து கொள்வதைக் கண்டதும் சந்தேகம் அடைந்தத அந்தப் பெண் அவரிடம் விசாரித்ததில், குற்றம் சாட்டப்பட்டவர் தன்னை படம் பிடித்ததை ஒப்புக்கொண்டார்.
மேலும் குற்றம் சாட்டப்பட்டவர் தன்னை சமரசம் செய்ய பலமுறை அழுத்தம் கொடுத்ததாகவும், தொலைபேசியில் மிரட்டியதாகவும் அப்பெண் போலீசில் புகார் அளித்துள்ளார். நிலைமை மோசமடைவதைக் கண்டு, பாதிக்கப்பட்ட பெண் காவல் நிலையத்திற்குச் சென்று புகார் அளித்தார், அதன் அடிப்படையில் போலீசார் வழக்குப் பதிவு செய்துள்ளனர். இந்த விவகாரத்தில் பெண்ணின் புகாரைத் தொடர்ந்து வழக்குப் பதிவு செய்யப்பட்டு, குற்றம் சாட்டப்பட்டவரைத் தேடி வருவதாக போலீசார் தெரிவிக்கின்றனர். குற்றம் சாட்டப்பட்டவர் விரைவில் கைது செய்யப்பட்டு விசாரிக்கப்படுவார். விசாரணைக்குப் பிறகு மேலும் நடவடிக்கை எடுக்கப்படும். வீடியோ வேறு எங்காவது பதிவேற்றப்பட்டதா என்பதைக் கண்டறிய சைபர் தொடர்பான அம்சங்கள் விசாரிக்கப்பட்டு வருவதாகவும் போலீசார் தெரிவித்தனர்.