உத்தரகண்ட் மாநிலம், டேராடூன் மாவட்டத்தின் ஜான்சர்-பவார் பகுதியில் சக்ரதா தொகுதியின் கண்டட் மற்றும் இட்ரோலி கிராமங்களில், எந்தவொரு திருமணத்திலோ அல்லது சமூகக் கூட்டத்திலோ பெண்கள் இப்போது வரையறுக்கப்பட்ட நகைகளை அணிய அனுமதிக்கப்படுவார்கள் என்று கிராம மக்கள் ஒருமனதாக முடிவு செய்துள்ளனர். இந்த உத்தரவின்படி, சமூகக் கூட்டங்களில் பெண்கள் காதணிகள், மூக்குத்திகள் மற்றும் மங்களசூத்திரங்கள் உள்ளிட்ட 3 பவுன் நகைகளை மட்டுமே அணிய அனுமதிக்கப்படுவார்கள். இந்த விதியை மீறும் எந்தவொரு பெண்ணுக்கும் 50,000 ரூபாய் அபராதம் விதிக்கப்படும்.
ஒரு குழு கூட்டத்திற்குப் பிறகு கிராம மக்கள் இந்த முடிவை எடுத்தனர். சமூகத்தில் எளிமை மற்றும் சமத்துவத்தை மேம்படுத்துவதே இந்த விதியின் நோக்கமாகும் என்று அவர்கள் கூறுகிறார்கள். கடந்த சில ஆண்டுகளாக, திருமணங்களில் நகைகளைக் காட்சிப்படுத்துவது அதிகரித்து வருவதாகவும், இது சமூகப் போட்டி மற்றும் பொருளாதார சமத்துவமின்மைக்கு வழிவகுப்பதாகவும் கிராம மக்கள் நம்புகின்றனர். பல குடும்பங்களுக்கு திருமணச் செலவுகளின் சுமையும் அதிகரித்துள்ளது. இந்தப் பிரச்சினையைத் தீர்க்கும் வகையில், இரு கிராமங்களும் கூட்டாக இந்தக் கடுமையான ஆனால் அர்த்தமுள்ள நடவடிக்கையை எடுத்துள்ளன.