பெங்களுருவிலிருந்து 450 கி.மீ தொலைவில் உள்ள யாத்கீர் மாவட்டத்தில், ஒரு பெண்ணின் தலைமுடியை வெட்டி, அவரது ஆடைகளை கழற்றி, உடல் முழுவதும் மிளகாய் பொடியை தூவி, பின்னர் அவர் மீது பொது ஊர்வலமாக அழைத்துச் செல்லப்பட்ட சம்பவம் அதிர்ச்சியை ஏற்படுத்தியுள்ளது. இந்த சம்பவம் யாத்கீர் மாவட்டத்தில் உள்ள ஹுனசாகி தாண்டாவில் நடந்துள்ளது, இது தொடர்பாக போலீசார் ஆறு பேரை கைது செய்துள்ளனர், மேலும் தலைமறைவாக உள்ள ஐந்து பேரை தேடி வருகின்றனர்.
35 வயதான பாதிக்கப்பட்டவர் தனது முதல் மனைவி இறந்த பிறகு லச்சா நாய்காவை மணந்தார். இந்த தம்பதியருக்கு இரண்டு குழந்தைகள் இருந்தனர். சமீப காலமாக, அப்பெண் அடிக்கடி உடல்நலப் பிரச்சினைகளை சந்தித்து வருவதால், அவள் பெற்றோர் வீட்டிற்குச் செல்வது வழக்கம். பின்னர் தனது கணவர் வீட்டிற்கு வரும்போது அப்பெண்ணின் மருமகன் கொண்டுவந்து விடுவது வழக்கம்.
இதில் அவரது கணவருக்கு இதில் எந்தப் பிரச்சினையும் இல்லை என்றாலும், அக்கம்பக்கத்தினரும் உறவினர்களும் இந்த விவகாரம் குறித்து கிசுகிசுக்கத் தொடங்கினர். இந்நிலையில் சம்பவத்தன்று அப்பெண் தனது பெற்றோர் வீட்டிலிருந்து திரும்பி வந்து கணவர் மற்றும் மருமகனுடன் வீட்டில் இருந்தபோது, உறவினர்களும் அக்கம்பக்கத்தினரும் வீட்டிற்குள் நுழைந்து அவரைத் தாக்கத் தொடங்கினர். அவளுடைய தலைமுடியை வெட்டி, அவளது ஆடைகளை கழற்றி, அவள் மீது மிளகாய்ப் பொடியைத் தூவினர். அவளுடைய கணவரும் மருமகனும் சத்தம் போட்டபோது, அவளை வீட்டை விட்டு வெளியே இழுத்துச் சென்றனர். பாதிக்கப்பட்டவரைத் தாக்கியதில் சுமார் ஐந்து பெண்களும் ஈடுபட்டுள்ளதாகவும், அவர்கள் தலைமறைவாகிவிட்டதாகவும் யாத்கீர் எஸ்பி பிருத்விக் சங்கர் தெரிவித்தார்.