அய்யய்யோ… என்ன கொடுமை இது… ஓடும் லோக்கல் ரயிலில் இருந்து… தண்டவாளத்தில் தூக்கி வீசப்பட்ட பெண்… நெரிசலில் அலறிய பயணிகள்… திடுக்கிடும் அதிர்ச்சி வீடியோ…!

தானே அருகே டோம்பிவ்லியிலிருந்து காலை 7:56 மணிக்குக் கிளம்பிய உள்ளூர் ரயிலில் பயணம் செய்த பெண் பயணி ஒருவர், எதிர்பாராதவிதமாகத் தண்டவாளத்தில் கீழே விழுந்து சிறு காயங்களுடன் அதிர்ஷ்டவசமாக உயிர் தப்பினார். திவா மற்றும் மும்ப்ரா ரயில் நிலையங்களுக்கு இடையே இந்தத் துயரச் சம்பவம் நிகழ்ந்துள்ளது.

அலுவலக நேர நெரிசல் காரணமாக அந்த ரயிலின் பெட்டிகளில் பயணிகள் கூட்டம் அலைமோதியது. அப்பகுதியில் ரயில் சிக்னலுக்காக நிறுத்தி வைக்கப்பட்டிருந்த சமயத்தில், நெரிசல் தாங்க முடியாமல் அந்தப் பெண் பயணி நிலைகுலைந்து ரயிலில் இருந்து கீழே விழுந்துள்ளார்.

https://twitter.com/nextminutenews7/status/2097987425083720066/video/1

பெண் பயணி திடீரெனத் தண்டவாளத்தில் விழுந்ததைக் கண்ட சக பயணிகள் சிறிது நேரம் பெரும் பதற்றமும் அச்சமும் அடைந்தனர். உடனடியாக அவர் மீட்கப்பட்ட நிலையில், நல்லவேளையாக அவருக்குச் சிறு காயங்கள் மட்டுமே ஏற்பட்டு ஆபத்தான கட்டத்தைத் தாண்டியுள்ளார்.