“என் வாழ்க்கையே போச்சு” அழுத குழந்தைக்கு விமானத்தில் ஜன்னல் சீட் கொடுக்க மறுத்த பெண்… வீடியோ வைரலானதால் விமான நிறுவனத்திற்கு எதிராக வழக்கு..!

பிரேசிலைச் சேர்ந்த ஜெனிஃபர் காஸ்ட்ரோ என்ற பயணி, GOL ஏர்லைன்ஸ் விமானத்தில், தனக்கு ஒதுக்கப்பட்டிருந்த ஜன்னல் இருக்கையை, அழும் குழந்தைக்கு கொடுக்க மறுத்துவிட்டார். ஜன்னல் இருக்கை அருகே அமர விரும்பிய குழந்தை அழுதுகொண்டே இருந்தது. ஆனால், அவர் தனது இருக்கையை விட்டுக்கொடுக்க மறுத்துவிட்டார். இது தொடர்பான வீடியோ சமூக வலைத்தளங்களில் வைரலாகப் பரவியது.

வீடியோ வைரலானதைத் தொடர்ந்து, சக பயணிகளால் துன்புறுத்தப்பட்டு அவமானப்படுத்தப்பட்டதாக காஸ்ட்ரோ கூறியுள்ளார். மேலும், ஆன்லைனில் வந்த வெறுப்பான கருத்துகள் காரணமாக, தான் பணிபுரிந்த வங்கியாளர் வேலையிலிருந்து வெளியேற்றப்பட்டதாகவும், வீட்டை விட்டு வெளியேற முடியாத நிலையில் இருப்பதாகவும் தெரிவித்துள்ளார். இதனால் தனது வாழ்க்கை பாழடைந்துவிட்டதாகக் கூறிய ஜெனிஃபர் காஸ்ட்ரோ, தற்போது விமான நிறுவனத்திற்கு எதிராக வழக்குத் தொடர்ந்துள்ளார். இந்தத் தகவல்கள் அனைத்தும் வைரலான வீடியோ மற்றும் அதைத் தொடர்ந்த நிகழ்வுகளை அடிப்படையாகக் கொண்டவை.