ஹரியானா மாநிலம் குருகிராமின் சோஹ்னா பகுதியில் உள்ள உயர்மட்ட அடுக்குமாடி குடியிருப்பின் 3-வது மாடியில் இருந்து பெண் ஒருவர் கீழே குதித்து உயிரிழந்த சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது.
உயிரிழந்த பெண்ணின் தந்தை காவல் நிலையத்தில் அளித்துள்ள புகாரில், தனது மகளுக்கு அவளது கணவன் தொடர்ந்து கடும் குடும்ப வன்முறையையும் மன உளைச்சலையும் அளித்து வந்ததாகவும், அதன் காரணமாகவே தனது மகள் இந்த தீவிர முடிவை எடுத்ததாகவும் குற்றஞ்சாட்டியுள்ளார். தந்தை அளித்த புகாரின் அடிப்படையில் காவல்துறையினர் உடனடியாகக் கணவன் மீது வழக்குப் பதிவு செய்துள்ளனர்.
சம்பவ இடத்திற்கு விரைந்த போலிஸார் உடலைக் கைப்பற்றிப் பிரேதப் பரிசோதனைக்காக அனுப்பி வைத்துள்ளனர். பிரேதப் பரிசோதனை அறிக்கை வந்த பிறகே வழக்கின் அடுத்தகட்ட சட்ட நடவடிக்கைகள் தீவிரப்படுத்தப்படும் என்றும், மரணத்திற்கான முழுக் காரணம் குறித்து விசாரிக்கப்பட்டு வருவதாகவும் காவல்துறையினர் தெரிவித்துள்ளனர்