டெஹ்ராடூன் மாவட்டம் டோய்வாலா தஹ்சிலுக்குட்பட்ட தனியாரி-பாட்ஸா கிராண்ட் பகுதியில், யானை தாக்கியதில் படுகாயமடைந்த அஞ்சலி குப்தா (40) என்ற பெண், மருத்துவமனையில் சிகிச்சைப் பலனின்றி நள்ளிரவில் பரிதாபமாக உயிரிழந்தார்.
திங்கள்கிழமை மாலை சுமார் 8 மணியளவில், அஞ்சலி குப்தா பால் வாங்கிக் கொண்டு வீட்டிற்குத் திரும்பிக் கொண்டிருந்தார். அப்போது, தானோன் வனச்சரகப் பகுதியில் திடீரென வந்த யானை ஒன்று அவரை கொடூரமாகத் தாக்கியது.
இந்தத் தாக்குதலில் அவர் பலத்த காயமடைந்தார். அதனைக் கண்டு அதிர்ச்சியடைந்த குடும்பத்தினரும் உள்ளூர் மக்களும் அவரை உடனடியாக மீட்டு சிகிச்சைக்காக மருத்துவமனைக்குக் கொண்டு சென்றனர். அங்கு தீவிர சிகிச்சை அளிக்கப்பட்டு வந்த நிலையில், நள்ளிரவில் அவர் சிகிச்சை பலனின்றி உயிரிழந்தார்.