“ஐயோ… பாவமே… அலறலுக்கு நடுவே அதிவேகமாக மோதிய ராட்சச வாகனம்… பைக் ரைடில் பெண் துடிதுடித்து பலி… மும்பையில் கோர விபத்து…!”

மும்பையைச் சேர்ந்த 24 வயதான பெண் பைக் பிரியை ரித்தி தாக்கர், சத்தீஸ்கரின் பஸ்தார் பகுதிக்கு மேற்கொண்ட மோட்டார் சைக்கிள் பயணத்தின் போது நடந்த பயங்கர சாலை விபத்தில் பரிதாபமாக உயிரிழந்தார். தனது நண்பர்களுடன் இணைந்து நீண்ட தூர பைக் பயணத்தைத் தொடங்கிய அவர், நெடுஞ்சாலையில் சென்று கொண்டிருந்த போது அதிவேகமாக வந்த கனரக வாகனம் மோதியதில் இந்த சோக சம்பவம் நிகழ்ந்துள்ளது.

விபத்து நடந்த உடனே அவரை மீட்ட சக பயணிகளும் உள்ளூர்வாசிகளும் அருகில் உள்ள மருத்துவமனைக்குக் கொண்டு சென்றனர். இருப்பினும், பலத்த காயமடைந்த அவர் மருத்துவமனைக்குச் செல்லும் வழியிலேயே உயிரிழந்ததாக மருத்துவர்கள் தெரிவித்தனர். இந்தத் தகவலைக் கேட்ட அவரது குடும்பத்தினரும், அவருடன் பயணித்த சக பைக் பிரியர்களும் பெரும் அதிர்ச்சியிலும் சோகத்திலும் ஆழ்ந்துள்ளனர்.

சம்பவம் குறித்து வழக்குப்பதிவு செய்துள்ள உள்ளூர் காவல்துறையினர், விபத்தை ஏற்படுத்திவிட்டு நிற்காமல் சென்ற கனரக வாகனத்தையும் அதன் ஓட்டுநரையும் தீவிரமாகத் தேடி வருகின்றனர். மேலும், சத்தீஸ்கர் நெடுஞ்சாலைகளில் தொடர்ந்து நிகழும் இதுபோன்ற விபத்துகள், நீண்ட தூர பைக் பயணம் மேற்கொள்ளும் பயணிகளின் பாதுகாப்பு குறித்து மீண்டும் பெரும் கவலையையும் கேள்விகளையும் எழுப்பியுள்ளது.