“என்னை விடுங்க… நான் இங்கேயே செத்து போறேன்”… தலைமைச் செயலகத்தில் திடீர் களேபரம்.. 700 பேருக்கு நடுவே பெண் செய்த பகீர் சம்பவம்….!

சென்னை தலைமைச் செயலகத்தில் இன்று திங்கட்கிழமை என்பதால், முதல்வர் தனிப்பிரிவில் மனு அளிப்பதற்காகக் காலை முதலே 700-க்கும் மேற்பட்ட பொதுமக்கள் நீண்ட வரிசையில் காத்திருந்தனர். அப்போது, விழுப்புரம் மாவட்டம் திண்டிவனத்தைச் சேர்ந்த சாமுண்டீஸ்வரி என்ற பெண், தான் கொண்டு வந்திருந்த மண்ணெண்ணெயை திடீரென தன் உடலில் ஊற்றி தற்கொலைக்கு முயன்றார். இதனால் அங்கு பெரும் பரபரப்பு ஏற்பட்டது. பாதுகாப்புப் பணியில் இருந்த போலீசார் உடனடியாகச் செயல்பட்டு, அந்தப் பெண்ணைத் தடுத்து நிறுத்தி அவர் மீது தண்ணீரை ஊற்றிக் காப்பாற்றினர்.

அவரிடம் நடத்திய முதற்கட்ட விசாரணையில், சாமுண்டீஸ்வரி ஏற்கனவே முதல்வர் தனிப்பிரிவில் கோரிக்கை மனு ஒன்றை அளித்திருந்ததும், ஆனால் அதன் மீது இதுவரை எந்தவித நடவடிக்கையும் எடுக்கப்படாததால் ஏற்பட்ட விரக்தியில் இந்த அதிரடி முடிவை எடுத்ததும் தெரியவந்தது. இதனைத் தொடர்ந்து, அவரது மனு மீது உரிய விசாரணை நடத்தி விரைந்து நடவடிக்கை எடுக்கப்படும் என்று போலீசார் உறுதியளித்து அவரை அமைதிப்படுத்தினர். இச்சம்பவம் தலைமைச் செயலக வளாகத்தில் சிறிது நேரம் பெரும் சலசலப்பை ஏற்படுத்தியது.