பொங்கல் பரிசு…. “மக்கள் விரும்பும் அறிவிப்பு வெளியாகும்”… அமைச்சர் சொன்ன சூப்பர் குட் நியூஸ்…!

தமிழகத்தில் வெகு விமர்சையாக கொண்டாடப்படும் பொங்கல் பண்டிகையை அனைத்து தரப்பு மக்களும் மகிழ்ச்சியாக கொண்டாடும் வகையில் அரசு சார்பில் ஒவ்வொரு வருடமும் சிறப்பு பொங்கல் பரிசு தொகுப்பு வழங்கப்படுகின்றது. ஒவ்வொரு வருடமும் ரொக்க பணமும் வழங்கப்படும் நிலையில் கடந்த 2025 ஆம் ஆண்டு நிதி நெருக்கடி காரணமாக ரொக்கம் வழங்கப்படவில்லை. இதனிடையே 2026 ஆம் ஆண்டு சட்டமன்றத் தேர்தலை முன்னிட்டு ரேஷன் அட்டைதாரர்களுக்கு பொங்கல் பரிசு தொகுப்புடன் ரொக்கமும் வழங்கப்படும் என எதிர்பார்க்கப்பட்டது. ஆனால் மக்களுக்கு ஏமாற்றம் அளிக்கும் விதமாக ஒரு கிலோ பச்சரிசி, ஒரு கிலோ சர்க்கரை மற்றும் ஒரு முழு கரும்பு 2.22 கோடி ரேஷன் அட்டைதாரர்களுக்கு வழங்கப்படும் என அரசு அறிவித்தது.

இந்நிலையில் பொங்கல் பரிசு தொகுப்பு விநியோகத்தை வருகின்ற ஜனவரி 8 ஆம் தேதி முதலமைச்சர் ஸ்டாலின் தொடங்கி வைக்கும் நிலையில் பரிசு தொகுப்புடன் ரொக்க தொகை வழங்குவது குறித்து அறிவிப்பு விரைவில் வெளியாகும் என தகவல்கள் வெளியாகி உள்ளது. இது குறித்து சென்னையில் இன்று செய்தியாளர்களிடம் பேசிய கூட்டுறவுத்துறை அமைச்சர் பெரிய கருப்பன், பொங்கல் பரிசு,மக்கள் விரும்பும் அறிவிப்பு வெளியாகும் என்று தெரிவித்துள்ளார். இந்த ஆண்டு 3000 ரூபாய் வழங்கப்படலாம் என தகவல்கள் வெளியான நிலையில் தற்போது அமைச்சர் வெளியிட்டுள்ள இந்த செய்தி மக்கள் மத்தியில் மகிழ்ச்சியை ஏற்படுத்தியுள்ளது.