ஆட்டத்தை தொடங்கிய செங்கோட்டையன்… தவெகவில் இணைந்த அதிமுக முக்கிய தலைவர்கள்…. செம குஷியான விஜய்….!

தமிழகத்தில் 2026 ஆம் ஆண்டு சட்டமன்றத் தேர்தல் நெருங்கி கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. குறிப்பாக விஜய் களத்தில் இறங்கிய பிறகு தமிழக தேர்தல் களம் நாளுக்கு நாள் பரபரப்பாகவே உள்ளது. அதிலும் விஜயின் தமிழக வெற்றிக்கழக கட்சியில் அதிமுகவின் மூத்த நிர்வாகியான செங்கோட்டையன் இணைந்த பிறகு மாற்று கட்சியினர் பலரும் கட்சி தாவி வருகிறார்கள். குறிப்பாக அதிமுகவில் இபிஎஸ் மீது அதிருப்தியில் இருக்கும் நிர்வாகிகளை டார்கெட் செய்து செங்கோட்டையன் பேச்சுவார்த்தை நடத்தி கட்சியில் இணைத்து வருகின்றார்.

இந்நிலையில் பொங்கலுக்குள் அதிமுகவில் இருந்து பல தலைவர்கள் தமிழக வெற்றி கழகம் கட்சியில் இணைவார்கள் என்று செங்கோட்டையன் கூறி இருந்த நிலையில் அடுத்தடுத்து பலர் கட்சியில் ஐக்கியமாகி வருகின்றனர். சேலத்திலிருந்து பல் பாக்கி கிருஷ்ணன், கரூரிலிருந்து மரியமுல் ஆசியா, சென்னையிலிருந்து ஜேசிபி பிரபாகர் என அதிமுக முன்னாள் எம்எல்ஏக்கள் மூன்று பேர் தமிழக வெற்றிக்கழகம் கட்சியில் இணைந்தனர். இதனால் அதிமுகவில் அதிருப்தியில் உள்ளவர்களை சரிகட்டும் முயற்சியில் ஈபிஎஸ் களம் இறங்கியுள்ளதாக தகவல் வெளியாகி உள்ளது.