அரியானா மாநிலம் குருக்ஷேத்ராவில் கணவனை மனைவியே கொடூரமான முறையில் கொலை செய்த அதிர்ச்சி சம்பவம் வெளிச்சத்திற்கு வந்துள்ளது. சந்தேகத்திற்குரிய அந்தப் பெண், கூர்மையான ஆயுதத்தைக் கொண்டு தனது கணவனின் மார்பிலிருந்து பிறப்புறுப்பு வரை சுமார் ஒரு அடிக்கும் அதிகமான நீளத்திற்கு அறுத்துள்ளார். பின்னர், அவரின் குடலை வெளியே எடுத்து ஒரு பிளாஸ்டிக் பையில் அடைத்துள்ளார்.
இந்தக் கொடூரச் செயல் நடந்துகொண்டிருந்த வேளையில், வீட்டின் உரிமையாளர் திடீரென அங்கு வந்துள்ளார். அவரைப் பார்த்ததும் பதற்றமடைந்த அந்தப் பெண், உடனடியாக வீட்டின் கூரையிலிருந்து கீழே குதித்துள்ளார். இதில் காயமடைந்த அவர் மீட்கப்பட்டு சிகிச்சைக்காக மருத்துவமனையில் அனுமதிக்கப்பட்டுள்ளார்.
இறந்தவரின் உடலைக் கைப்பற்றி பிரேதப் பரிசோதனை செய்ததில், அவரது கல்லீரலில் பாதியும், வலது சிறுநீரகமும் மாயமாகியிருப்பது தெரியவந்தது. அந்தப் பெண் பில்லி சூனியப் பயிற்சிகளில் ஈடுபட்டு வந்ததாக முதற்கட்ட விசாரணையில் தகவல்கள் வெளியாகியுள்ளன. இதன் காரணமாக, இந்த கொலையின் பின்னணியில் உள்ள நோக்கம் குறித்தும், காணாமல் போன உறுப்புகள் குறித்தும் காவல்துறையினர் தீவிரமாக விசாரணை நடத்தி வருகின்றனர்.