“அப்பா இனி வரமாட்டார் மா… வீட்டுக்கு போலாம்…” கணவரின் கல்லறையில் கதறிய மனைவி…. கண்கலங்க வைக்கும் வீடியோ வைரல்….!!

சமூக வலைதளங்களில் வைரலாகி வரும் வீடியோ ஒன்று காண்போரின் நெஞ்சைப் பிழியும் வகையில் அமைந்துள்ளது. தாய் ஒருவர் தனது சிறிய மகனுடன், காலமான தனது கணவரின் கல்லறைக்குச் சென்று அஞ்சலி செலுத்தியுள்ளார். அங்கே கணவரின் கல்லறையைப் பிடித்துக்கொண்டு அந்தப் பெண் விம்மியழுது தன் சோகத்தை வெளிப்படுத்தியுள்ளார். அப்போது தாயின் துயரத்தைப் பார்த்த அந்தச் சிறுவன், தாயின் கையைப் பிடித்துக்கொண்டு, “அம்மா வா வீட்டுக்குப் போகலாம், அப்பா இனி திரும்பி வரமாட்டார்… நம்மளை விட்டுட்டு போயிட்டாரு…” என்று மழலை மொழியில் ஆறுதல் கூறி அழைத்துச் சென்றுள்ளான்.

இந்த உருக்கமான நிகழ்வு கேமராவில் பதிவாகி இணையத்தில் பரவி வருகிறது. இதைப் பார்த்த ஆயிரக்கணக்கான நெட்டிசன்கள், “தனது தந்தையை இழந்து நிற்கும் அந்தச் சிறுவனின் முதிர்ச்சியும், தாயின் துயரமும் வார்த்தைகளால் விவரிக்க முடியாத வேதனை” எனக் கூறித் தங்களது ஆழ்ந்த இரங்கல்களையும் கண்ணீர் அஞ்சலியையும் பதிவிட்டு வருகின்றனர்.