இதெல்லாம் தேவையா குமாரு..? கணவரோடு சண்டையிட்டு கங்கையில் குதித்த மனைவி… திடீரென வந்த முதலையால் அடுத்தடுத்து நடந்த சம்பவம்…!!

உத்தரபிரதேசத்தின் கான்பூரில் வசித்து வருபவர் சுரேஷ். இவரின் மனைவி மால்தி. இந்த தம்பதிகளுக்கு இடையே அடிக்கடி சண்டை ஏற்பட்டு வந்துள்ளது. இந்நிலையில் செப்டம்பர் 6 ஆம் தேதி சனிக்கிழமை இரவு, தம்பதியினர் மீண்டும் சண்டையில் ஈடுபட்டனர். சுரேஷ் தனது மனைவியிடம் தேநீர் தயாரிக்கச் சொன்னார், ஆனால் மால்தி மறுத்துள்ளார்.தேநீருடன் தொடங்கிய வாக்குவாதம் படிப்படியாக சண்டையாக மாறியது. இதனால் மால்தி கோபத்துடன் வீட்டை விட்டு வெளியேறினார்.

கோபத்தால் கொதித்த மால்தி, ஜாஜ்மாவ்வில் உள்ள கங்கை பாலத்தை அடைந்தாள். கோபத்தில், பாலத்திலிருந்து கங்கை நதியில் குதித்தார்.   ஆற்றில் குதித்தவுடன், வருத்தப்பட்டு மீண்டும் கரைக்கு நீந்த ஆரம்பித்தாள்.  ஆற்றின் கரையை அடைந்தவுடன், ஒரு பெரிய முதலை ஒன்று கண்ணில் பட்டுள்ளது.  இதனால், அவள் அருகிலுள்ள மரத்தில் ஏறி, இரவு முழுவதும் மரத்தில் கழித்துள்ளார் காலையில், அருகிலுள்ள கிராம மக்கள் கங்கைக் கரையைக் கடந்து செல்லும்போது, ​​மால்டி ஒரு மரத்தில் அமர்ந்து உதவிக்கு அழைத்தார்.

அவள் மரத்தில் ஏறுவதைக் கண்டு கிராம மக்கள் திகைத்துப் போனார்கள். மால்டி அழுது கொண்டே முழு கதையையும் சொன்னதும், கிராம மக்கள் உடனடியாக காவல்துறைக்கு தகவல் கொடுத்தனர். தகவல் கிடைத்தவுடன், ஜஜ்மாவ் காவல் நிலைய பொறுப்பாளர் வினய் யாதவ் தனது குழுவுடன் சம்பவ இடத்திற்கு வந்தார். அந்தப் பெண் பாதுகாப்பாக கீழே இறக்கி, சைல்டுலைன் உதவியுடன் காவல் நிலையத்திற்கு கொண்டு வரப்பட்டார்.