“இனி இவ கூட வாழவே மாட்டேன்”…. கள்ளக்காதலனுடன் கையும் களவுமாக சிக்கிய மனைவி… நள்ளிரவில் ரூமை பூட்டி லாரி டிரைவர் செய்த அதிரடி சம்பவம்…!

கன்னியாகுமரி மாவட்டம் குழித்துறை அருகே சென்னித் தோட்டம் பகுதியில், லாரி டிரைவர் ஒருவரின் மனைவி தனது கள்ளக்காதலனுடன் கையும் களவுமாக சிக்கிய சம்பவம் அப்பகுதியில் பெரும் பரபரப்பை ஏற்படுத்தியுள்ளது. லாரி ஓட்டுநரான 35 வயது நபர், வேலை நிமித்தமாக அடிக்கடி வெளியூர் சென்று வருவதைப் பயன்படுத்திக் கொண்ட அவரது 32 வயது மனைவி, கருங்கல் பகுதியில் உள்ள உணவகத்தில் பணிபுரியும் போது பாலப்பள்ளத்தைச் சேர்ந்த 26 வயது வாலிபருடன் பழக்கத்தை ஏற்படுத்தியுள்ளார். இந்தப் பழக்கம் நாளடைவில் திருமணத்தை மீறிய உறவாக மாறி, கணவர் இல்லாத நேரங்களில் அந்த வாலிபரை வீட்டிற்கு வரவழைத்து உல்லாசமாக இருந்து வந்துள்ளார்.

சம்பவத்தன்று இரவு, வழக்கம் போல் கணவர் வெளியூர் சென்றிருப்பார் என நினைத்து அந்த வாலிபர் பெண்ணின் வீட்டிற்கு வந்துள்ளார். ஆனால், எதிர்பாராத விதமாக வேலை முடிந்து சீக்கிரமே வீடு திரும்பிய கணவர், தனது அறையில் மனைவியும் அந்த வாலிபரும் நெருக்கமாக இருந்ததைக் கண்டு கடும் அதிர்ச்சியடைந்தார். ஆத்திரமடைந்தாலும் நிதானம் இழக்காத அவர், உடனடியாக அறையை வெளிப்பக்கமாகப் பூட்டிவிட்டு ‘திருடன் திருடன்’ என சத்தமிட்டு அக்கம் பக்கத்தினரையும் உறவினர்களையும் திரட்டினார்.

சத்தம் கேட்டு ஓடிவந்த உறவினர்கள் மற்றும் பொதுமக்கள், அறையில் இருந்த வாலிபரை பிடித்து சரமாரியாகத் தாக்கினர். தகவலறிந்து சம்பவ இடத்திற்கு வந்த மார்த்தாண்டம் காவல்துறையினர், வாலிபரை மீட்டு காவல் நிலையத்திற்கு அழைத்துச் சென்று விசாரணை நடத்தினர். விசாரணையில், தான் திருட வரவில்லை என்றும், அந்தப் பெண்ணுடன் தனக்கு இருந்த கள்ளத்தொடர்பு காரணமாகவே அங்கு வந்ததாகவும் அந்த வாலிபர் உண்மையை ஒப்புக்கொண்டார். இது ஒரு திருட்டுச் சம்பவம் அல்ல, குடும்பப் பிரச்சனை என்பது அப்போதுதான் அனைவருக்கும் தெரியவந்தது.

இறுதியில் காவல் நிலையத்தில் வைத்து நடைபெற்ற சமரசப் பேச்சுவார்த்தையின் போது, தடம் மாறிச் சென்ற மனைவியுடன் இனி ஒருபோதும் சேர்ந்து வாழப்போவதில்லை என லாரி டிரைவர் உறுதியாகத் தெரிவித்துவிட்டு அங்கிருந்து வெளியேறினார். காவல்துறையினர் அந்த வாலிபரை கடுமையாக எச்சரித்து அனுப்பி வைத்தனர். ஒரு குழந்தையின் தாயான அந்தப் பெண்ணின் இந்தச் செயலால் ஒரு குடும்பம் சிதைந்து போனதோடு, அந்தப் பகுதியில் இச்சம்பவம் ஒரு கசப்பான விவாதப் பொருளாக மாறியுள்ளது.