“இனி வங்கிக் கணக்கு செல்லாது”… தமிழகம் முழுவதும் உதவித்தொகை நிறுத்தம்?…. காலையிலேயே ஷாக் நியூஸ்….!

தமிழ்நாட்டில் முதியோர், கைம்பெண் மற்றும் மாற்றுத்திறனாளிகளுக்கான அரசு மாதாந்திர உதவித்தொகை வழக்கமாக ஒவ்வொரு மாதமும் 4 அல்லது 5-ஆம் தேதிக்குள் பயனாளிகளின் வங்கிக் கணக்குகளில் வரவு வைக்கப்படும் நிலையில், நடப்பு மாதத்தில் 20-ஆம் தேதியை கடந்தும் பணம் வந்து சேராததால் ஆயிரக்கணக்கான பயனாளிகள் பெரும் அதிர்ச்சியும் கவலையும் அடைந்துள்ளனர்.

இதுகுறித்து வருவாய்த்துறை அதிகாரிகளிடம் பயனாளிகள் நேரில் சென்று முறையிட்டபோது, “தற்போதுள்ள வங்கிச் சேமிப்புக் கணக்குகள் இனி செல்லாது. அரசு நிதியுதவியைப் பெற தபால் அலுவலகத்தில் புதிய கணக்கு தொடங்குவது அவசியம்” என அவர்கள் கூறிய தகவல் மேலும் அதிர்ச்சியை ஏற்படுத்தியுள்ளது. எவ்வித முன்அறிவிப்புமின்றி திடீரென மாற்றப்பட்ட இந்த விதியால், மாதாந்திர உதவித்தொகையை மட்டுமே நம்பி தங்களின் மருத்துவச் செலவுகள் மற்றும் அன்றாட வாழ்வாதாரத்தை நடத்தி வரும் ஏழை எளிய முதியோர்களும் மாற்றுத்திறனாளிகளும் தபால் நிலையங்களுக்கு அலைக்கழிக்கப்படும் சூழல் உருவாகியுள்ளதுடன், நிலுவையில் உள்ள உதவித்தொகையை உடனடியாக வழங்கிட அரசு விரைந்து நடவடிக்கை எடுக்க வேண்டும் என கோரிக்கை விடுத்துள்ளனர்.