“பிஞ்சு குழந்தைகள் கண்முன்னே கொடூரம்…” கதறி துடித்த ஆசிரியை… வலுக்கட்டாயமாக இழுத்து சென்று கொன்ற வாலிபர்…. திக் திக் வீடியோ வைரல்…!!

உத்தரப் பிரதேச மாநிலம் லக்கிம்பூர் கேரியில் உள்ள சில்ட்ரன்ஸ் அகாடமி பள்ளியில், கடந்த திங்கட்கிழமை காலை 11.30 மணியளவில் 26 வயதான நிஷாத் பாத்திமா என்ற ஆசிரியை வழக்கம்போல் மாணவர்களுக்குப் பாடம் எடுத்துக்கொண்டிருந்தார்.

அப்போது பையில் ரகசியமாகத் துப்பாக்கியை மறைத்து வைத்துக்கொண்டு பள்ளிக்குள் புகுந்த முகமது சௌத் அன்சாரி (27) என்ற வாலிபன், ஆசிரியை பாத்திமாவை வலுக்கட்டாயமாகப் பிடித்து இழுத்து மாடிப் பகுதிக்குக் கொண்டு சென்றுள்ளான். சிறு குழந்தைகள் மற்றும் பள்ளி ஊழியர்கள் கண்முன்னே அச்சிறுமி தப்பியோட முயன்றும், சௌத் அவரை விடாமல் இழுத்துச் சென்று தனது பையிலிருந்த துப்பாக்கியை எடுத்து பாத்திமாவின் தலையிலேயே நேருக்கு நேராகச் சுட்டுக் கொடூரமாகப் படுகொலை செய்தான்.

அடுத்த வினாடியே தான் வைத்திருந்த துப்பாக்கியால் தனது தலையிலும் சுட்டுக் கொண்டு தானும் சம்பவ இடத்திலேயே பலியானான். காதல் விவகாரத்தில் ஏற்பட்ட விரிசல் காரணமாகவே இக்கொடூரச் சம்பவம் நடந்துள்ளதாகவும், இச்சம்பவம் தொடர்பாக போலிஸார் வழக்குப் பதிவு செய்து தீவிர விசாரணை நடத்தி வருவதாகவும் தெரிவித்துள்ளனர். பிஞ்சு குழந்தைகள் பார்க்கும்போதே ஆசிரியை சுட்டுக் கொல்லப்பட்ட இச்சம்பவம் அம்மாநிலத்தில் பெரும் அதிர்வலைகளை ஏற்படுத்தியுள்ளது.