தமிழ் சினிமாவின் தனிப்பெரும் சாதனையாளர்களில் ஒருவர் இளையராஜா. உலகளவில் அவர் அளவுக்கு அதிக படங்களில் இசையமைத்த இசையமைப்பாளர் இல்லை. இப்போதும் தன்னுடைய 82 ஆவது வயதில் பிஸியாக பல படங்களுக்கு இசையமைத்து வருகிறார். இதுவரை அவர் 1500 படங்களுக்கு இசையமைத்துள்ளதாக சொல்லப்படுகிறது.
தமிழ் சினிமாவில் பல ஜாம்பவான் இசையமைப்பாளர்கள் உருவாகியுள்ளார்கள். ஆனால் அவர்களுக்கும் இளையராஜாவுக்கும் இடையே உள்ள பெரிய வித்தியாசமே பின்னணி இசையில் இளையராஜாவுக்கு நிகர் அவர் மட்டுமே. அவரின் வருகைக்குப் பிறகே தமிழ் சினிமாவில் பின்னணி இசையை இயக்குனர்கள் உணர ஆரம்பித்தார்கள் என்றால் அது மிகையாகாது.
இளையராஜா 1976ல் அன்னக்கிளியில் அறிமுகம் ஆனார். அடுத்தடுத்த வருடங்களில் தொடர்ச்சியாக சூப்பர் ஹிட் பாடல்களைக் கொடுத்து தமிழ் சினிமாவின் முன்னணி இசையமைப்பாளர் ஆனார். அவர் அறிமுகமாமி மூன்றே ஆண்டுகளில் ‘இளையராஜாவின் ரசிகை’ என ஒரு திரைப்படம் எடுக்கப்பட்டது. ஆனால் அந்த படம் கடைசி வரை ரிலீஸ் ஆகவே இல்லை.
அதே போல 90 களில் ‘இளையராஜாவின் மோதிரம்’ என்ற பெயரில் வாலி கதை, திரைக்கதை, வசனம் எழுத வடிவேலு நடிப்பில் ஒரு படம் உருவாக இருந்தது. அந்த படத்தில் இளையராஜா 20 சீன்களுக்கு வருவது போல கதையை எழுதியிருந்தாராம் வாலி. முதலில் அந்த படத்தை இளையராஜாவே தயாரிப்பதாக இருந்துள்ளார்.
#image_title
ஆனால் அதன் பின்னர் ரஜினி அந்த படத்தை தயாரிக்க மிகவும் ஆசைப்பட்டுள்ளார். இயக்குனராக கே எஸ் ரவிக்குமாரையும் ஒப்பந்தம் செய்துள்ளார். அப்போது கே எஸ் ரவிக்குமார் திரைக்கதை என்று தன்னுடைய பெயர்தான் வரவேண்டும் என சொல்லியுள்ளார். வாலியும் அதற்கு ஓகே சொல்லியுள்ளார். ஆனால் வாலி எழுதிய திரைக்கதையை அவர்கள் கேட்டபோது கோபத்தில் கொடுக்க மறுத்துவிட்டாராம்.
திரைக்கதை என்று அவர் பெயரைப் போட்டுக்கொள்ளும்போது “எதற்காக என்னுடைய திரைக்கதையைக் கேட்கிறீர்கள்?” எனக் கோபமாக சொல்லி அனுப்பிவிட்டாராம். இப்படி சில பிரச்சனைகள் எழுந்ததும் கடைசியில் அந்த படமே வேண்டாம் என்று சொல்லிவிட்டாராம் இளையராஜா.