“அதிர்ச்சி தரும் தங்கம் விலை!”… திடீரென பாதாளத்திற்கு சரியப்போவது எப்போது?… ஆனந்த் சீனிவாசன் கொடுத்த ஷாக் அப்டேட்…!!

தங்கம் விலை சமீபகாலமாகத் தொடர்ந்து கிடுகிடுவென உயர்ந்து வருவது சாமானிய மக்கள் மத்தியில் பெரும் கவலையை ஏற்படுத்தியுள்ளது. கடந்த சில வாரங்களில் மட்டும் பெருமளவு விலை அதிகரித்துள்ள நிலையில், தினசரி ஏற்ற இறக்கங்களும் சந்தையில் காணப்படுகின்றன. இந்நிலையில், நகை வாங்குவோருக்கு ஆறுதல் தரும் விதமாகப் பிரபல பொருளாதார நிபுணர் ஆனந்த் சீனிவாசன் ஒரு கணிப்பை வெளியிட்டுள்ளார். அதன்படி, தற்போதைய சூழலில் ஏறுமுகமாக இருக்கும் தங்கத்தின் விலை விரைவில் கணிசமான சரிவைச் சந்திக்கும் என்று அவர் நம்பிக்கை தெரிவித்துள்ளார்.

இந்த விலை வீழ்ச்சிக்கு அமெரிக்கப் பொருளாதாரத்தில் ஏற்படும் மாற்றங்களே முக்கியக் காரணமாக அமையும் என அவர் சுட்டிக்காட்டியுள்ளார். குறிப்பாக, அமெரிக்காவில் வட்டி விகிதங்கள் அதிகரிக்கப்படலாம் என்ற எதிர்பார்ப்பும், அங்கு ‘பாண்ட் ஈல்ட்’ எனப்படும் பத்திர வருவாய் உயர்வதும் டாலரின் மதிப்பை உலக அளவில் வலுவடையச் செய்யும். டாலர் பலமடையும் போது சர்வதேச சந்தையில் தங்கத்தின் ஈர்ப்பு குறைந்து, அதன் விலை தானாகவே குறையத் தொடங்கும். மேலும், இந்தியாவிலும் தற்போதைய நிலையில் உள்நாட்டு நகை விற்பனை மந்தமாகவே காணப்படுவதால், தங்கம் விலை குறையவே அதிக வாய்ப்புகள் உள்ளதாக அவர் விளக்கியுள்ளார்.