பிக் பாஸ் தமிழ் நிகழ்ச்சியில் நடைபெற்ற வைரத்தைக் கைப்பற்றும் போட்டியில், போட்டியாளர் டிடிஎஃப் வாசன் காட்டிய புத்திசாலித்தனமான ஆட்டம் அனைவரது கவனத்தையும் ஈர்த்துள்ளது. வீட்டில் உள்ள மற்ற போட்டியாளர்கள் எவராலும் கண்டுபிடிக்க முடியாதவாறு திட்டமிட்டு அவர் வைரத்தை மறைத்து வைத்து அந்தப் போட்டியில் வெற்றி பெற்றார். இதன்மூலம் அவருக்கு வெளியேற்றத்திலிருந்து தப்பிக்கும் ‘எவிக்சன் ஃப்ரீ டிக்கெட்’ பரிசாகக் கிடைத்தது.
வார இறுதி எபிசோடில் தொகுப்பாளர் விஜய் சேதுபதி, டிடிஎஃப் வாசன் வைரத்தை எவ்வாறு சாமர்த்தியமாகத் திருடிப் பதுக்கினார் என்பதை விளக்கும் குறும்படத்தை போட்டுக் காண்பித்தார். இந்தச் செயல் வீட்டிலிருந்த போட்டியாளர்களையும் பார்வையாளர்களையும் ஆச்சரியத்தில் ஆழ்த்தியதுடன், சமூக வலைத்தளங்களிலும் அதிகம் பேசப்படும் தலைப்பாக மாறியது.
வாசனின் இந்தத் தனித்துவமான ஆட்ட உத்தியையும் சாமர்த்தியத்தையும் பாராட்டி பிரபல இசையமைப்பாளர் ஜேம்ஸ் வசந்தன் தனது சமூக வலைத்தளப் பக்கத்தில் காணொளி ஒன்றை வெளியிட்டுள்ளார். அதில் வாசனின் புத்திசாலித்தனத்தைப் புகழ்ந்து அவர் பேசியுள்ள கருத்துக்கள் தற்போது இணையத்தில் ரசிகர்களிடையே வேகமாகப் பரவி வைரலாகி வருகின்றன.