சென்னைக்கு வருகை தரும் பிரதமர் நரேந்திர மோடி, பூந்தமல்லி – வடபழனி வழித்தட மெட்ரோ ரயில் சேவையைத் தொடங்கி வைக்கிறார். குறிப்பாக, போரூர் சந்திப்பு உள்ளிட்ட முக்கியப் பகுதிகளில் நடைபெறும் அரசு நிகழ்ச்சிகளில் அவர் கலந்து கொண்டு, புதிய திட்டங்களை மக்கள் பயன்பாட்டிற்கு அர்ப்பணிக்க விரிவான பயணத் திட்டம் வகுக்கப்பட்டுள்ளது.
அரசு மரபுப்படி சென்னை விமான நிலையத்தில் பிரதமரை வரவேற்கும் நிகழ்விலும், அதனைத் தொடர்ந்து போரூர் மெட்ரோ ரயில் நிலையத்தில் நடைபெறும் தொடக்க விழா மற்றும் மெட்ரோ பயணத்திலும் முதலமைச்சர் பங்கேற்கிறார். மெட்ரோ ரயிலில் இருவரும் இணைந்து பயணிக்கும் நிகழ்வு நிர்வாக ரீதியாகவும் அரசியல் ரீதியாகவும் பெரும் கவனத்தைப் பெற்றுள்ளது.
மெட்ரோ பயணத்திற்குப் பிறகு பிரதமரின் பிற தனிப்பட்ட அல்லது கட்சி சார்ந்த நிகழ்ச்சிகள் அனைத்திலும் முதலமைச்சர் முழுமையாக உடன் இருப்பாரா என்ற கேள்விகள் அரசியல் வட்டாரத்தில் விவாதத்தை ஏற்படுத்தியுள்ளன. அரசு முறைத் திட்டங்களைத் தாண்டி பிற நிகழ்வுகளைத் தவிர்ப்பாரா அல்லது முழுப் பயணத்திலும் இணைந்திருப்பாரா என்ற எதிர்பார்ப்பு எழுந்துள்ளது.