ரயில் பெட்டிகளுக்கு பின்னால் இருக்கும் இந்த குறியீடுக்கு என்ன அர்த்தம் தெரியுமா..? அட இதுல இவ்ளோ விஷயம் இருக்குதே..!!

பொதுவாகவே அனைத்து ரயில்களிலும் கடைசி பெட்டியில் X என்ற குறியீடு எழுதியிருக்கும். இதற்கு என்ன காரணம் என்று இந்த பதிவில் பார்க்கலாம். இந்திய ரயில்வே புள்ளி விவரங்களின் அடிப்படையில் தினமும் சுமார் 22,593 ரயில்கள் இயங்குகின்றன. 13,452 ரயில்கள் பயணிகளுக்காக இயங்குகிறது. எஞ்சிய ரயில்கள் சரக்கு ரயில்களாகும். சுமார் 2 கோடியே 40 லட்சம் பயணிகள் ஒரு நாளைக்கு பயணிக்கின்றனர்.

ரயிலில் எழுதி இருக்கும் X குறியீட்டை அதிகாரிகள் கவனிப்பார்கள் காரணம், ரயிலில் இருக்கும் கடைசி பெட்டியில் தான் இதுபோன்ற குறி இருக்கும். சரி பார்ப்பதற்கு காரணம் அனைத்து பெட்டிகளும் ரயிலில் உள்ளதா இல்லை ஏதேனும் கழண்டு நடு வழியில் நின்று விட்டதா என்று பார்ப்பதற்கு தான். ஒருவேளை ரயில்பெட்டியில் இந்த குறியீடு இல்லை என்றால் உடனே அவசர நிலையத்திற்கு தகவல் தெரிவிக்க வேண்டும். இல்லை என்றால் அந்த வழியில் வரும் ரயில் மோதி விபத்துக்கு உள்ளாகிவிடும். இதுதான் ரயிலில் உள்ள குறியீட்டுக்கு காரணமாகும்.