சிறைக்குள் நடந்த லீலைகள்..! ரவுடியுடன் வீடியோ காலில் பெண் போலீஸ் செய்த காரியம்… வெளியான பகீர் பின்னணி…!!

பெங்களூருவில் சமீபத்தில் பெண் காவல் அதிகாரி ஒருவர் வீடியோ அழைப்பில் ஆடைகளைக் கழற்றுவது போன்ற காட்சிகள் சமூக வலைத்தளங்களில் வெளியாகி பெரும் அதிர்ச்சியை ஏற்படுத்தியது. போலீசார் நடத்திய தீவிர விசாரணையில், அந்தப் பெண் கர்நாடக மாநில தொழில் பாதுகாப்புப் படையைச் சேர்ந்த இன்ஸ்பெக்டர் என்பது தெரியவந்தது. அவர் ஹிண்டல்கா மத்திய சிறையில் பணியாற்றிய போது, அங்கு அடைக்கப்பட்டிருந்த குனிகல் பகுதியைச் சேர்ந்த ரவுடி சாய்குமார் என்பவருடன் வீடியோ காலில் பேசியபோதே இந்த காட்சிகள் பதிவு செய்யப்பட்டுள்ளன.

கடந்த 2024-ம் ஆண்டு பதிவு செய்யப்பட்ட இந்த வீடியோவை சாய்குமார் அண்மையில் கசியவிட்டதை அடுத்து, அவர் மீது கப்பன் பார்க் காவல் நிலையத்தில் அந்தப் பெண் இன்ஸ்பெக்டர் புகார் அளித்துள்ளார். அதே சமயம், சிறைக்குள் செல்போன், மது மற்றும் சொகுசு வசதிகளைச் செய்து தர தன்னிடம் அந்த இன்ஸ்பெக்டர் லஞ்சம் பெற்றதாக ரவுடி சாய்குமாரும் அவர் மீது பகிரங்கமாக எதிர் புகார் கொடுத்துள்ளார். அவர் லஞ்சமாக அளித்த அதே செல்போனில்தான் இந்த ஆபாச வீடியோவும் பதிவு செய்யப்பட்டுள்ளதாக அதிர்ச்சியூட்டும் தகவலும் வெளியாகியுள்ளது.

தற்போது புகார் அளித்த பெண் இன்ஸ்பெக்டர் விடுமுறையில் சென்றுள்ள நிலையில், லஞ்சக் குற்றச்சாட்டின் அடிப்படையில் அவர் மீது துறைரீதியான விசாரணை முடுக்கிவிடப்பட்டுள்ளது. இதற்கிடையே, சிறை அதிகாரிகளின் ஊழல் குறித்து இன்ஸ்டாகிராமிலும் மற்றொரு வீடியோ வெளியானதால், பெலகாவி சி.இ.என் போலீசாரும் வழக்குப்பதிவு செய்து தீவிரமாக விசாரித்து வருகின்றனர். காவல் அதிகாரியே ரவுடியுடன் ரகசியத் தொடர்பு வைத்து ஆபாசமாக நடந்துகொண்ட சம்பவம் கர்நாடகாவில் பெரும் பரபரப்பை ஏற்படுத்தியுள்ளது.