உச்சகட்ட பதற்றம்!… “நாங்கள் போரில் இருக்கிறோம்!”… அமெரிக்க விமானம் சுட்டு வீழ்த்தப்பட்டதும் டிரம்ப் கொடுத்த அதிரடி பதில்… உலகமே அதிர்ச்சி…!!

அமெரிக்க ராணுவ விமானம் ஈரான் படையினரால் சுட்டு வீழ்த்தப்பட்ட சம்பவம், இரு நாடுகளுக்கும் இடையே ஏற்கனவே நிலவி வரும் பதற்றத்தை மேலும் அதிகரித்துள்ளது. இது குறித்து என்.பி.சி நியூஸ் ஊடகத்திற்கு கருத்து தெரிவித்த அமெரிக்க அதிபர் டொனல்டு டிரம்ப், இந்த நிகழ்வு ஈரான் உடனான ராஜதந்திர பேச்சுவார்த்தைகளில் எந்த பாதிப்பையும் ஏற்படுத்தாது என்று குறிப்பிட்டுள்ளார். மேலும், இது போன்ற நிகழ்வுகள் பேச்சுவார்த்தைக்கு தடையாக இருக்குமா என்ற கேள்விக்கு, “நாங்கள் இப்போது போரில் இருக்கிறோம்” என்று அதிரடியாகப் பதிலளித்துள்ளார்.

இந்த மோதலுக்கு மத்தியில், ஈரானின் தஸ்னிம் செய்தி நிறுவனம் வெளியிட்டுள்ள தகவலின்படி, ஹார்முஸ் ஜலசந்திக்கு அருகே அமெரிக்காவின் ஏ-10 (A-10) ரக தரைத் தாக்குதல் விமானத்தை சுட்டு வீழ்த்தியதாக ஈரான் உரிமை கோரியுள்ளது. தரைப்படைகளுக்கு ஆதரவாகச் செயல்படும் வகையில் வடிவமைக்கப்பட்ட இந்த விமானம் சுட்டு வீழ்த்தப்பட்டிருப்பது, ஈரானின் ராணுவ ரீதியான பதிலடி தீவிரமடைந்துள்ளதைக் காட்டுகிறது. தற்போதைய மோதல் சூழலில் ஈரானிய வான்பரப்பில் அமெரிக்க விமானம் சுட்டு வீழ்த்தப்படுவது இதுவே முதல் முறையாகும்.

இதற்கிடையில், சுட்டு வீழ்த்தப்பட்ட விமானத்தில் இருந்த பணியாளர்களை மீட்கும் பணியில் அமெரிக்கப் படைகள் தீவிரமாக இறங்கியுள்ளன. சி.என்.என். செய்தியின்படி, ஒரு விமானப் பணியாளர் வெற்றிகரமாக மீட்கப்பட்டு, தற்போது அமெரிக்கக் காவலில் மருத்துவ சிகிச்சை பெற்று வருகிறார். இருப்பினும், மற்றொரு பணியாளரின் நிலை என்ன என்பது குறித்து இன்னும் தெளிவான தகவல் கிடைக்கவில்லை. அவரைத் தேடும் பணிகள் தொடர்ந்து நடைபெற்று வருவதாக ராணுவ வட்டாரங்கள் தெரிவிக்கின்றன.

தொழில்நுட்ப ஆய்வுகளின்படி, விபத்துக்குள்ளான அந்த விமானம் இருவர் பயணிக்கும் ‘F-15e Strike Eagle’ ரக போர் விமானம் என்பது உறுதி செய்யப்பட்டுள்ளது. ஈரானிய ஊடகங்கள் வெளியிட்ட விமானச் சிதைவுகளின் படங்களை ஆய்வு செய்ததில், அது F-15 ரகத்தைச் சேர்ந்தது என்பது சி.என்.என். மூலம் உறுதிப்படுத்தப்பட்டுள்ளது. இந்தச் சம்பவம் சர்வதேச அளவில் பெரும் பரபரப்பை ஏற்படுத்தியுள்ளதுடன், அமெரிக்கா – ஈரான் இடையிலான நேரடிப் போர் அபாயத்தையும் அதிகரித்துள்ளது.