விஜய் தொலைக்காட்சியின் முன்னணித் தொகுப்பாளினியும் நடிகையுமான விஜே ரம்யா, தனது திருமண வாழ்க்கை மற்றும் விவாகரத்து குறித்து முதன்முறையாக மனம் திறந்து பேட்டியளித்துள்ளார். கடந்த 2014-இல் 20 வயதில் தனக்குத் திருமணம் நடந்ததாகவும், 23 வயதிற்குள் இரண்டு குழந்தைகள் பெற்று மகிழ்ச்சியாக வாழ வேண்டும் என்ற ஆசை நிறைவேறாமல் போகிவிட்டதாகவும் அவர் தெரிவித்துள்ளார்.
மேலும், விவாகரத்து குறித்துப் பேசிய அவர், “ஆடம்பரமாகத் திருமணம் செய்து விட்டு உடனே பிரிய யாருக்குத்தான் தோன்றும்? அப்படி நடந்ததற்குப் பலமான காரணம் இருக்கும்” எனக் கூறியுள்ளார். குழந்தை இல்லாதது வாழ்க்கையின் தோல்வி அல்ல என்றும், அடுத்தவர் வாழ்க்கையில் அளவுக்கு அதிகமாகத் தலையிடுவதைத் தவிர்க்க வேண்டும் என்றும் நெட்டிசன்களின் கேள்விகளுக்குப் பதிலடி கொடுத்துள்ள விஜே ரம்யா, தற்போது தனது வாழ்வின் தேர்வில் நிம்மதியாக இருப்பதாக நெகிழ்ச்சியுடன் பகிர்ந்துள்ளார்.