இது சாதனை இல்ல… சரித்திரம்… பி.டி. உஷாவின் சாதனையை உடைத்து… 3 பதக்கங்களுடன் கோவையில் இறங்கிய வித்யா ராம்ராஜ்… இணையத்தில் வைரல்…!!

ஆசிய விளையாட்டுப் போட்டியில் 4*400 மீ தொடர் ஓட்டத்தில் தங்கமும், கலப்பு தொடர் ஓட்டத்தில் வெள்ளியும், 400 மீ தடை ஓட்டத்தில் வெண்கலமும் வென்று அசத்திய தமிழக வீராங்கனை வித்யா ராம்ராஜுக்கு கோயம்புத்தூர் விமான நிலையத்தில் உற்சாக வரவேற்பு அளிக்கப்பட்டது. அமைச்சர் ஆனந்த் மற்றும் வித்யாவின் குடும்பத்தினர் அவருக்குப் பொன்னாடை அணிவித்து வாழ்த்து தெரிவித்தனர். பெண்களை முடக்கி வைக்கும் சமூக நிலையை உடைத்து, இளம்பெண்களின் நம்பிக்கை நட்சத்திரமாக உருவெடுத்துள்ள வித்யாவுக்குத் தமிழக அரசும் ஊக்கத்தொகை அறிவித்துள்ளது.

செய்தியாளர்களிடம் பேசிய வித்யா ராம்ராஜ், இந்திய தடகள ஜாம்பவான் பி.டி. உஷாவின் சாதனையை முறியடித்தது பெரும் மகிழ்ச்சியளிப்பதாகத் தெரிவித்தார். மத்திய, மாநில அரசுகளின் ஆதரவும் விளையாட்டுத் துறையின் ஊக்கமுமே இந்த வெற்றிக்குக் காரணம் எனக் கூறிய அவர், தான் ரயில்வே துறையில் பணியாற்றி வருவதையும் நினைவு கூர்ந்தார். மேலும், இந்தியாவின் ஹாக்கி அணி ஆசிய போட்டியில் சீனாவை வீழ்த்தி நேரடியாக ஒலிம்பிக் போட்டிக்குத் தகுதி பெற்றுள்ளதையும் சுட்டிக்காட்டினார்.

2023-ஆம் ஆண்டிலிருந்தே இலக்கை நேரத்தைக் குறைப்பதில் மட்டுமே வைத்து தீவிரப் பயிற்சி மேற்கொண்டதாகத் தெரிவித்த வித்யா, சர்வதேச அளவில் இந்தியா மேலும் சாதிக்க வேண்டியிருப்பதால் இச்சாதனை முழு நிறைவைத் தரவில்லை என்றார். விளையாட்டு வீரர்களின் வெற்றிக்குப் பின்னால் இருக்கும் பயிற்சியாளர்களின் உழைப்பையும் அங்கீகரிக்க வேண்டும் என்றும், இது குறித்து முதலமைச்சரிடம் பேசியபோது பயிற்சியாளர்களுக்கும் விருதுகள் வழங்கப்படும் என அவர் உறுதியளித்ததாகவும் கூறினார்.