அப்பாடா.. ஒரு வழியா சண்டைய முடிச்சிட்டீங்களா.. மீண்டும் இணைந்த விஷ்ணு விஷால்-சூரி.. வைரலாகும் லேட்டஸ்ட் போட்டோ..!!

நடிகர் விஷ்ணு விஷாலும், சூரியும் வெண்ணிலா கபடி குழு படத்தில் இணைந்து நடித்தனர். இருவருக்கும் இடையே ஒரு நல்ல நட்பு இருந்தது. அந்த படத்தில் இடம்பெற்ற பரோட்டா காமெடியை ரசிகர்களால் மறக்கவே முடியாது. இந்த நிலையில் ஆரம்பகாலகட்டத்தில் நண்பர்களாக இருந்த இருவரும் கடந்த சில வருடங்களுக்கு இடையே ஏற்பட்ட பண பிரச்சனை காரணமாக பிரிந்து விட்டனர்.

நடிகர் விஷ்ணு விஷாலின் தந்தை தன்னிடம் நிலம் வாங்கி தருவதாக கூறி பணத்தை ஏமாற்றி விட்டதாக சூரி நீதிமன்றத்திற்கு சென்றார். அதற்கு விஷ்ணு விஷால் தனது அப்பா ஏமாற்றவில்லை சூரி நீதிமன்றம் வரை சென்றது வருத்தம் அளிக்கிறது என தெரிவித்திருந்தார். சமூக வலைதளங்களில் இருவருக்கு இடையேயான சண்டைதான் பெரிதும் பேசப்பட்டது.

கடந்த சில மாதங்களுக்கு முன்பு விஷ்ணு விஷால் சூரியை நேரில் சந்தித்து பேசினோம். இருவரும் மனதளவில் ஒரு புரிதலுக்கு வந்து விட்டோம். மூன்றாவது நபர் எங்களுக்கு இடையே வந்து விளையாடியதால் தான் இந்த பிரச்சனை ஏற்பட்டுள்ளது. சூரி எந்த அளவுக்கு பாதிக்கப்பட்டிருக்கிறாரோ அதே அளவுக்கு எனது அப்பாவும் பாதிக்கப்பட்டுள்ளார். இருவரிடமும் பேசி பிரச்சினையை முடித்து விட்டோம் என கூறியிருந்தார்.

இந்த நிலையில் விஷ்ணு விஷால் சூரி மற்றும் தனது தந்தையுடன் இருக்கும் புகைப்படத்தை சமூக வலைதளத்தில் பதிவிட்டுள்ளார். மேலும் காலம் எல்லாவற்றுக்கும் எல்லோருக்குமான பதில் என குறிப்பிட்டுள்ளார். அதற்கு சூரியும் நடப்பவை எல்லாம் நன்மைக்கே. நன்றி விஷ்ணு விஷால் என பதில் அளித்து பதிவிட்டுள்ளார். இருவருக்கும் இடையேயான 4 வருட பிரச்சனை முடிவுக்கு வந்ததால் ரசிகர்கள் மகிழ்ச்சியில் உள்ளனர்.