விஷாலுக்காக கீர்த்தி சுரேஷை பெண் கேட்டுச் சென்ற இயக்குனர் லிங்குசாமி… அதற்கு கீர்த்தி என்ன பதில் சொன்னார் தெரியுமா..?

பிரபல மலையாள திரைப்பட தயாரிப்பாளர் சுரேஷ் மோகன் மற்றும் நடிகை மேனகா தம்பதியின் இரண்டாவது மகள் தான் கீர்த்தி சுரேஷ். தன்னுடைய அம்மாவிற்கு பிறகு சினிமாவில் ஹீரோயினியாக அறிமுகமானார். குழந்தை நட்சத்திரமாக ஒரு சில மலையாள திரைப்படங்களில் நடித்த கீர்த்தி சுரேஷ் ஹீரோயினியாக அறிமுகமானது மலையாள மொழியில் தான். தமிழ் நடிக்க வாய்ப்பு தேடிக் கொண்டிருந்த சமயத்தில் இது என்ன மாயம் திரைப்படத்தில் ஹீரோயினியாக அறிமுகமானார். இந்த படம் வெற்றி பெறவில்லை என்றாலும் இந்த படத்திற்கு பிறகு சிவக்கார்த்திகேயனுக்கு ஜோடியாக ரஜினி முருகன் திரைப்படத்தில் கீர்த்தி சுரேஷ் நடித்த நிலையில் இந்த படத்தின் மூலம் ரசிகர்கள் மத்தியில் பிரபலமாகிவிட்டார்.

இப்படியான நிலையில் விஷாலுக்காக கீர்த்தி சுரேஷ் பெண் கேட்டு சென்ற சம்பவம் குறித்த இயக்குனர் லிங்குசாமி பகிர்ந்துள்ளார். இது தொடர்பாக அவர் சமீபத்தில் அளித்த பேட்டியில், விஷாலுக்கு கீர்த்தியை பெண் கேட்டு சொல்லுங்கள் என்று விஷாலின் அப்பா என்கிட்ட சொன்னாரு. நான் கீர்த்தி கிட்ட போய் நின்றதும், என்ன சார் இவ்வளவு தூரம் என்று கேட்டார்கள். அப்போ அவங்க கிட்ட விஷால் பற்றி நான் சொன்னதும், ஸ்கூல் படிக்கும்போது இருந்து இருக்கின்ற காதல் பற்றி கீர்த்தி சுரேஷ் வெளிப்படையாக சொன்னாங்க. அவர்தான் இப்போ கீர்த்தி சுரேஷை திருமணம் செய்து கொண்டுள்ளார். அது மட்டுமல்லாமல் கீர்த்தியோட வெற்றிக்கு பெரிய பின்புலம் அந்தப் பையன் தான். கீர்த்தியின் மூன்று நாள் திருமணத்திற்கு நானும் சென்றிருந்தேன். மிகவும் நெருங்கிய நண்பர்களை மட்டும் தான் அழைத்து இருந்தார்கள் என்று இயக்குனர் லிங்குசாமி கூறியுள்ளார்.